عفرین عملیاتینین ایلک مرحله‌سینده جدی مقاومت اولمایاجاق، ترورچولار گئری چکیلیب پارتلاییجی یئرلشدیریلمیش تله‌لرله مقاومت گؤسترمه‌یه چالیشاجاق.

آخار. آذ خبر وئریر کی، بو باره‌ده «هابرتورک» اینفورماسییا یاییب.

تورک اوردوسونون مومکون عفرین عملیاتی زامانی ایلک نؤوبه‌ده آغیر تکنیکا و آرتیللرییا واسطه‌سیله ترورچو مؤقعلری داغیدیلاجاق، داها سونرا آزاد سورییا اوردوسو و زیرهلی تئکنیکا ایر‌لیله‌مه‌یه باشلایاجاق. تورکییه هوجوم زامانی روسییا ایله هاوا ساحه‌سیندن ایستیفاده باره‌ده راضیلیق الده ائده بیلمیه جه یی تقدیرده ایسه تورک قیریجیلاری عفرینی ائله اؤز سرحدلریندن بومباردمان ائد‌جک. بئله کی، تورک ف-۱۶-لاری ۴۰-۵۰ کیلومتر مسافه‌دن لازئر واسطه‌سیله ایشارلنمیش هدفلری عقللی آویاسییا بومبالاری ایله سهوسیز وورا بیلمک ایمکانینا صاحب‌دیر. بونونلا یاناشی، ۳-۵ آی آراسی اوزانماسی گؤزله‌نیله‌ن عملیات زامانی مولکی اینسانلارین حیاتینی قوروماق مقصدی ایله تورکییه زیرهلی تکنیکا و تانکلاریندان ایستیفاده ائد‌جک.

قئید ائدک کی، سورییا تورک قیریجیلارینین سرحدی پوزاجاغی حالدا درحال محو ائدیله جه یینی آچیقلامیشدی.