تورکییه رسمی دمشقله ایش بیرلیگی قورمالیدیر.

آخار. آذ خبر وئریر کی، بونو «اولوسال کانال»دا چیخیشی زامانی تورکییه‌نین کئچمیش باش قرارگاه ریسی ایلکر باشبوغ سؤیله‌ییب.

«عفرین مسئله‌سینی دوغرو آنلاماق لازیمدیر. عفرین داغلاریندا پ کا کا-چیلار وار. اونلار دا بورادان آمانوس و هاتایا کئچه بیلیرلر. بو بؤلگه پ کا کا-نین بازاسیدیر. عفرین عملیاتی ترورچولارین تورکییه‌یه کئچیدینی دایاندیراجاق. کورد دهلیزینین قارشیسی آلیناجاق. تورکییه بو هوجومو گئرچکلشدیرمکده ماراقلیدیر. روسییا بونا مانع اولوب، هاوا مکانینی تورک طیاره‌لری اوچون آچماسا بئله، تورکییه بورایا گیره‌جک. بو عملیاتین رهبری گنرال متین تمل پاشا ایسه بیر زامان منیم یانیمدا چالیشان چوخ پئشکار حربچیدیر.

بیز سورییا ایله ایش بیرلیینه مجبوروق. تورکییه‌نین سرحدلری بویونجا دمشقین عسگرلری اولمالیدیر. سهیرلی جمله ایسه اسدله آنلاشماقدیر. سورییانین پروبلملرینی آزاد سورییا اوردوسو ایله یوخ، قانونی حکومتله حرکت ائد‌رک حل ائده بیلرسینیز»، - دئیه او بیلدیریب.