تورکییه سلاحلی قوه‌لری و آزاد سورییا اوردوسونون (آسو) سورییانین عفرین بؤلگه‌سینده باشلادیغی «زیتون بوداغی» عملیاتی ۴-جو گونونده داوام ائدیر. عملیات‌دا تورک پیلوتلارینین پئشکارلیغی ایسه دونیانی حیرتلندیرمکده‌دیر.

پوبلیکا. آذ خبر وئریر کی، پیلوتلاردان بیری پ ی د ترور تشکیلاتینا عایید تونلی محو ائدرکن حرب تاریخینه کئچه‌جک بیر اوغورا ایمضا آتیب.

خبره گؤره، سلاح-سورسات آنباری کیمی ایستیفاده اولونان تونلی یوخاریدان وورا بیلمیجیینی آنلایان پیلوت یئره ۲۰ متره قدر یاخینلاشاراق هدفی محو ائدیر. کئچمیش دؤیوش پیلوتلاریندان اولان مسعود هاکی پیلوتون بؤیوک ریسک ائتدیینی دئییب. اونون سؤزلرینه گؤره، پیلوتون قرار وئرمه‌سی اوچون ساده‌جه ۳۰ ثانییه‌سی وار ایدی.