ارمنیستان و قاراباغداکی سپاراتچی رئژیمده یاشایان اهالینین ۲۳،۵%-ی یاخین ۵ ایل عرضینده قاراباغ مناقشه سی صولح یولو ایله حل اولوناجاغینا اینانیر.

آخار. آذ خبر وئریر کی، بو باره‌ده اینفورماسییا قفقاز اینستیتوتونون حساباتیندا یئر آلیب. حساباتا اساساً، اهالینین ۲۶،۸%-ی یاخین زامانلاردا گئنیش میقیاسلی محاربه‌نین باشلایاجاغینی بیلدیریب. ۴۲،۵% شخص ایسه ایستاتوس-کوونون ساخلانیلاجاغینا امیندیر.

اینستیتوتوت داها چوخ کند یئرلرینده اهالینین صولحون الده اولونما ایمکانلارینین محاربه‌دن داها چوخ اولدوغونا ایناندیقلارینی سؤیله‌ییبلر. محاربه‌نین اولاجاغینا اینانانلار سیراسین‌دا ایروان اهالی‌سی بؤیوک اوستونلوک تشکیل ائدیب. قافقاز اینستیتوتو ارمنیستاندا و قوندارما رژیم‌ده حکومت و کیو-ا اینانانلارین داها چوخ صولحه اعتبار ائتدیکلرینی بیلدیریب.

ارمنیلر آراسیندا قاراباغ مناقشه سینی محاربه یولو ایله حل ائتمک ایسته‌یه‌نلرین ده سایی چوخ اولماییب. اونلار اهالینین ۹%-نی تشکیل ائدیبلر. ۸۶% اینسان مناقشه نین سولهله حلینی ایستدیینی بیلدیریب. یالنیز ۵% شخص ایستاتوس-کوونون ساخلانیلماسینی ایسته‌ییب.

ان ماراقلی مقام ایسه قاراباغین ایستاتوسو ایله باغلی ارمنیلرین وئردیی آچیقلامالار اولوب. بئله کی، ارمنیستان اهالیسینین ۵۳،۶%-ی قاراباغین ارمنیستانا بیرلشدیرمه‌سینی ایسته‌ییب. ۴۶،۱% اینسان ایسه اونون موستقیل دؤولت اولاراق قالماسی گرکدیینی بیلدیریب. یالنیز ۰،۳% شخص قاراباغا آذربایجانین ترکیبینده موختاریت وئریلمه‌سینه راضی اولدوغونو سؤیله‌ییب. قوندارما رژیمده اهالینین ۵۰،۵%-ی ارمنیستانا بیرلشمک ایستدیکلرینی آچیقلاییب. ۴۸،۹% شخص ایسه موستقیل اؤلکه اولماق ایستدیکلرینی دئییب. جمعی ۰،۱% شخص آذربایجانین ترکیبین‌ده موختاریت آلماق ایستدیکلرینی سؤیله‌ییب.

سئپاراتچی رژیمین موستقیل اولاراق قالماسینی داها چوخ گنج نسیل، ارمنیستانلا بیرلشمیی ایسه یاشلی نسیل ایسته‌ییب.

حساباتدا دیگر اؤنملی مقام آذربایجانلا کومپرومیسه گئتمک مسئله‌سی اولوب. بئله کی، ارمنیلرین ۸۶،۴%-ی آذربایجانا ایشغال ائدیلمیش رایونلاردان هئچ بیرینین قایتاریلماماسی گرکدیینی بیلدیریب. ۷،۶% رسپوندنت ایسه ۵ و یا ۷ رایونون آذربایجانا قایتاریلماسینی ایسته‌ییب. قاراباغین تام اولاراق آذربایجانا وئریلمه‌سینی اهالینین ۰،۶%-ی دستکله‌ییب.