سعودییه عربیستانی شاهزاده‌سی، میلیاردئر والید ابن طلال السعود حبس ائدیلدیی گوندن بو یانا ایلک دفعه موصاحیبه وئریب.

آخار. آذ خبر وئریر کی، «رؤیتئر»ا موصاحیبه‌سینده او، یاخین زامانلاردا تام آزاد اولوناجاغینی بیلدیریب. شاهزاده اؤزو ایله یاخشی داورانیلدیغینی سؤیله‌ییب.

ابن طلالین حاضردا «ریتس کارلتون» اوتئلین‌ده ساخلانیلدیغینی بیل‌دیره‌ن آگئنت‌لیک اونا نه قدر اوتاغین وئریلدیینی آچیقلاماییب. میلیاردرین اؤزو ایسه یاشادیغی حبس شرایطینده اساساً وجتریان یئمکلرله قیدالاندیغینی سؤیله‌ییب.

حاضردا شاهزادنین اوتاغین‌دا تلویزورون اولدوغو و اونون اساساً بیزنس خبرلرینه باخدیغی بیلدیریلیب. ابن طلالا همچینین ایدمانلا مشغول اولماغا ایزن وئریلیب.

میلیاردر موصاحیبه‌سینده گوناهکار اولمادیغینی دا قید ائدیب:

«منه قارشی هئچ بیر اتهام ایر‌لی سورولمه‌ییب. حکومتله منیم آرامدا ساده‌جه بیر نئچه دیسکوسسییا وار. تئزلیکله، منی آزاد ائد‌جکلر. من یئنی‌دن «کینگدوم هولدینگ» اینوستیسییا شیرکتیمین باشینا کئچه‌جه‌یه‌م و حکومت آکتیولریمی الیمدن آلمایاجاق».

شاهزاده اونونلا باغلی آراشدیرمانین ۹۵%-نین سونا چاتدیغینی بیلدیریب. او، آراشدیرمانین اوزون مدت آپاریلماسینین آدینین اوزرینده‌کی لکه‌نین تام تمیزلنمسیله علاقدار اولدوغونو دئییب.

میلیاردر آزاد اولوندوقدان سونرا سعودییه عربیستانین‌دا یاشاماغا داوام ائدجیینی وورغولاییب.