دونیانین ان وارلی شخصلریندن اولان بیلل گیتس "سوپر اینک" لاییحه‌سی اوچون ۲۹ میلیون فونت ایسترلین' یاتیراجاق.

قاینارینفو. آذ خبر وئریر کی، لاییحه‌نین مقصدی آز یئییب چوخ سود ایستحصال ائد‌ن اینکلر یاراتماقدیر. اینگیلتره‌نین "هولستین-فریئسیانس" اینکلری گونده ۱۹ لیتر سود ایستحصال ائده بیلیرلر. آفریکا اینکلری ایسه گونده ۱،۵ لیتر سود ایستحصال ائدیر و چوخ آز یئییرلر، همچینین ایستیلییه دؤزوملودورلر.

ائدینبورگ اونیورسیتئتینده چیخیش ائد‌ن گیتس "مالدارلیق چوخ اهمیتلی ساحه‌دیر. ان کاسیب اؤلکه‌لرده یاشایان ۱ میلیارددان چوخ اینسان اوچون کند تصروفاتی و حیواندارلیق خلاص یولودور" دئیه بیلدیریب و "فیزیکی داواملی و محصولدار اینیینیز اولا بیلر" فیکرینی چیخیشینا علاوه ائدیب. او همچینین قید ائدیب کی، لاییحه ایله تروپیک بؤلگه‌لرده خسته‌لیکلره معروض قالان مال-قارا اوچون پئیوند حاضرلاناجاق.