روسییا ایستینتاق کمیته‌سی «۲۲۴-جو اوچان دسته» دؤولت آویاشیرکتینه قارشی جینایت ایشی باشلادیب.

آخار. آذ خبر وئریر کی، بو باره‌ده اینفورماسییانی «کومرسانت» قزئتی یاییب. آویاشیرکت بؤیوک حجمده فیریلداقچی‌لیق‌دا شوبهه‌لی بیلینیب. آرتیق جینایت ایشی اوزره شیرکتین کئچمیش دیرکتور معاوینی دمیتری نوویتسکو حبس ائدیلیب. اونون ریسی کونستانتین وارتانوولا باغلی ایسه آراشدیرمالارا باشلانیلیب.

قزئتین ادعاسینا گؤره، شیرکتین رهبرلیگی ۲۰۱۰-۲۰۱۵-جی ایللر عرضین‌ده «روسوبورونکسپورت»اون هاوا داشیمالاری اوچون آییردیغی پوللاری منیمسه‌ییب. نتیجه‌ده «روسوبورونکسپورتا» ۲ میلیارد روبلا قدر ضرر وورولوب. اله کئچیریلن پوللار ایسه آویاشیرکتین حسابیندان یاخین شرق بانکلارینا یئرلشدیریلیب.

قید ائدک کی، «۲۲۴-جو اوچان دسته» ۱۹۷۹-جو ایلده یارادیلیب. ۱۹۹۳-جو ایلده‌ن اعتباراً شیرکت روسییا پرزیدنتینین و دیگر دؤولت ایستروکتورلارینین خصوصی تاپشیریغی ایله هاوا داشیمالاری حیاتا کئچیریب. سون ایللرده شیرکت حربی یوکلرین ویتنام، سورییا، الجزایر، اتیوپییا، کامبودجا و دیگر اؤلکه‌لره داشینماسینی حیاتا کئچیریب. بو شیرکت همچینین روسییا پرزیدنتی ولادیمیر پوتینین ماشین کورتژینین داشیمالارینی گئرچکلشدیریر.