مسکوا بونونلا باکییا قارشی «دمارش» ائدیر.

Axar.az خبر وئریر کی، بو باره‌ده سیاسی شرح‌چی آسیف نریمانلی روسیادا آذربایجان دیاسپورونون رهبری شاهین شیخلینسکی، ائلجه ده ایش آداملاری یوسیف خلیلوو و احمد حاجییئوین زوراکیلیقلا ساخلانیلماسی ایله باغلی گؤرونتولری شرح ائدرکه‌ن بیلدیریب.

"بو، باکی-مسکوا خطینده مناسبتلرین کسکین مرحله‌یه کئچیدی کیمی قیمتله‌ندیریله بیلر. چونکی طرفلرین قارشی‌لیقلی گئدیشلری تماسلارین قورولماسیندان هله اوزاق اولدوقلارینی گؤستریر.

بو مرحله‌ده روسیانین سویداشلاریمیزا قارشی زوراکی آددیملارینین داوام ائتمه‌سی پروسسین گؤزله‌نیله‌ن طرفی‌دیر. لاکن آگرسیولشه‌ن روسیانین آذربایجان‌دا تخریبات جهدلرینه قارشی دا حاضرلیق اولماق لازم‌دیر"، - دئیه آ.نریمانلی قید ائدیب.