تورکییه‌ده فئتؤ ایستینتاقی چرچیوه‌سینده حبس ائدیله‌ن حربچی عمر قالینین محکمه‌یه وئردیی ایفاده قارداش اؤلکه‌ده رئزونانس دوغوروب.

آخار. آذ خبر وئریر کی، ایداره ائتدیی تانکلا ۴ نفری از‌رک اؤلدورن و بیر چوخ شخصی یارالایان قالین بونو کوماندیرلرینین امری ایله ائتدیینی بیلدیریب. تانکین ایر‌لیله‌یه بیلمدیینی سؤیله‌یه‌ن قالین دئییب:

«پولکوونیک فاتیح سؤنمز «از» امرینی وئردی. کاپیتان سردار دییرماندره ده منی تهدید ائتدی. «قازی باس، جلد حرکت ائله» دئدی. تهدیدلردن سونرا تانکی سورمه‌یه مجبور اولدوم. من تانکلا ماشینلاری ازدیم، آنجاق ایچریسینده اینسانلار یوخ ایدی. من گؤرمدیم. اینسانلار ماشینلاردان کناردا دایانمیشدی. تانکدان ائننده شوکدا ایدیم، یئره اوتوردوم و سو ایچدیم. بئش آی سونرا حبسده اولارکن گلن سندله شهید و قاضیلرین اولدوغونو اؤیرندیم».

عمر قالینین ایفاده‌سیندن سونرا چارپاز سورغویا باشلانیلیب. ایتتیحامچینین «نیه گؤره تانکی موقتی اولاراق ناساز وضعیته سالمادین؟» سوالینا متهیم بونو باجارمادیغینی دئییب.

ایستینتاق چرچیوه‌سینده حبس ائدیلمیش کاپیتان سردار دییرماندرنین سوالی ایسه طرفلرین موباحیثه‌سینه سبب اولوب. محکوم کاپیتانین «تانکی دایاندیرسان، سنه نسه ائده بیلردیم» سوالینا قالین بئله جاواب وئریب:

«فاتیحله ایکینیز البیر ایدینیز. الینیزده سلاح وار، آتش آچیردینیز. من بیر حربچی کیمی حقیقتلرین اوزه چیخماسی اوچون الیم‌دن گلنی ائدیره‌م. اوتانمادان بیر ده اینکار ائدیرسینیز. الله‌دان هئچ قورخمورسونوز؟ حبسخانادان قورخماقدانسا، الله‌دان قورخون».