دانیمارکادا یاشایان مئتته سوانئ آدلی رققاصه آذربایجان خالق ماهنی‌سی «گؤرموشم، سئومیشم»این صدالاری آلتیندا رقص ائدیب.

پوبلیکا. آذ-آ بو باره‌ده معلوماتی دیاسپور اوزره آراشدیرماچی-ژورنالیست ائلنور ائلتورک وئریب.

«دانیمارکانین مرکزی کیتابخانالارینین بیرینده تقدیمات کئچیرن رققاصه آذربایجانین مدنیتی، میللی-معنوی دیرلری حاقیندا ایشتیراکچیلارا اطرافلی معلومات وئریب. مئتته سوانئ آذربایجانا سفری ایله باغلی دوشونجه‌لرینی بؤلوشوب. اونون سؤزلرینه گؤره، آذربایجان موسیقی آلتلرینین، میللی گئییملرینین نوماییشی اینسانلارین ماراغینا سبب اولوب. مئتته سوانئ آزربایجان سئوردیر و هر یئرده آذربایجان دیرلرینی تبلیغ ائدیر. مئتته خانیما باکی‌دا اولارکن آذربایجان رقصلرینی فیکرت امیروو آدینا آذربایجان دؤولت ماهنی و رقص آنسامبلینین سولیستی آیدان کامیلووا اؤیردیب.

قئید ائدک کی، قارشی‌دا مئتته سوانئ ایله دانیمارکا-آذربایجان جمعیتینین صدری کماله حسینووانین بیرگه تدبیرلرینین کئچیریلجیی گؤزلنیلیر»، - دئیه ائلتورک بیلدیریب.