تورکییه سلاحلی قوه‌لرینین عفرین‌ده کئچیردیی «زیتون بوداغی» عملیاتی زامانی ۱۱ شهید وئرمه‌سینین دتاللاری معلوم اولوب.

آخار. آذ خبر وئریر کی، «آنادولو» آگنتلیینین معلوماتینا گؤره، پ ی د-پ کا کا ترورچولاری مولکی وطنداشلاری قالخان ائد‌رک، تورک عسگرلرینه پوسقو قوروب.

حادثه باش وئره‌ن گون ترورچولاردان تمیزلنن بیر کندین یاخینلیغینداکی ۱۰۲۷ نمره‌لی تپه‌ده قرار توتان تورک عسگرلرینه طرف ۷۰-۸۰ نفرلیک بیر مولکی قروپ یاخینلاشیب. عسگرلر هاوایا خبردارلیق آتشی آچسالار دا، قروپ گئری قاییتماییب. بوندان سونرا ۱۶ عسگر سؤزوگئدن قروپون قارشی‌سینی آلماق اوچون اونلارا طرف گئدیب. بو آن مولکی شخصلر عسگرلره طرف ال بومبالاری آتیبلار، کناردا گیزلنن پ کاکا-چیلار ایسه راکتله هوجوما کئچه‌رک، ۹ عسگری شهید ائدیبلر. کمکه گلن هلیکوپترین قزایا اوغراماسی نتیجه‌سینده ایسه داها ۲ تورک عسگری هلاک اولوب.

قئید ائدک کی، تورک اوردوسو اؤتن گون ۱۱ شهید وئریب.