ایوردان چایینین غرب ساحلینده سوورنلیین تام تعمین ائدیلمه‌سی مسئله‌سینی آمریکالیلارلا موذاکیره ائتدیک.

آخار. آذ خبر وئریر کی، بو سؤزلری ایسرایل باش ناظری بنیامین نتانیاهو «لیکود» پارتییاسیندان اولان میلت وکیللرله گؤروشونده دئییب.

«ایوردان چایینین غرب ساحلینده سوورنلیین تام برپاسی مسئله‌سینی بیر مدتدیر کی، آمریکالیلارلا موذاکیره ائدیرم. مؤوضوع ایله باغلی بو پرینسیپلری ایزلییریک: بیرینجیسی، آمریکالیلارلا کووردیناسییا... چونکی اونلار موستقیل ایسرایل دؤولتی و یهودی مسکنلری اوچون ایستراتژی قازانجدیر. ایکینجیسی ایسه بو اؤزل دئییل، بیر حکومت تشببوسو اولمالیدیر. چونکی تاریخی حمله‌دیر»، - نتانیاهو بیلدیریب.

لاکین آمریکا طرفی یهودی باش ناظرین بو یؤنده اولان ادعالارینی تکزیب ائدیب.

«بونونلا باغلی هئچ بیر موذاکیره آپارمامیشیق. آمریکا پرزیدنتی بوتون دقتینی ایسرایل-فیلیسطین آراسیندا یئنی بیر صولح تشببوسونه یؤنلدیب»، - دئیه آغ ائو سؤزچوسو جوش رافایل دئییب.

قید ائدک کی، ایوردان چایینین غرب ساحلی اوزون مدتدیر کی، ایسرایل حکومتینین نظارتینده‌دیر و بورادا قانونسوز اولاراق یهودی مسکنلری سالینیر.