ایشید ترور تشکیلاتی سورییانین پایتختی دمشق‌ده فیلیسطینلی میقرانتلارین سیخ مسکونلاشدیغی یئرموک دوشرگه‌سینین بؤیوک حیصه‌سینی اله کئچیریب.

آخار. آذ خبر وئریر کی، یئرلی منبع‌لر فئورالین ۱۴-دن اعتباراً ایشید-این دوشرگه‌یه آردیجیل هوجوملار تشکیل ائتدیینی بیلدیریب. ترورچولار بومبا قوراشدیریلمیش ماشینلارلا تشکیل ائدیلن هوجوملار نتیجه‌سینده دوشرگه‌نین ریجا میدانینی، فیلیسطین خسته خاناسینی و مشروع حیصه‌سینی زبط ائدیب. بونونلا دا دوشرگه‌نین تخمیناً ۷۵%-ی ترور تشکیلاتینین نظارتینه کئچیب.

حاضردا دوشرگه‌ده ۵ مین فلستینلینین یاشادیغی دئییلیر.

بیرلشمیش میلتلر تشکیلاتینین حساباتینا گؤره، سورییا ساواشیندان اول بوراداکی ۱۲ بؤیوک دوشرگه‌ده ۵۶۰ مین فیلیسطینلی میقرانت یاشاییردی. ساواشدان سونرا اونلارین بؤیوک حیصه‌سی تورکییه‌یه، ایوردانییایا، لیوانا سیغینیب.

قید ائدک کی، سون آیلاردا سورییانین شیمالین‌دا تورکییه، مرکزی و شرق حیصه‌لرین‌ده ایسه آمریکا و روسییا حربی قوه‌لرینین آردیجیل عملیاتلاریندان سونرا ایشید ترورچولاری اؤلکه‌نین قربینه دوغرو چکیلمه‌یه مجبور اولوب.