آوروپا بیرلیینه مرکزی آسییایا آوروپا کاپیتالینین جلبی اوچون مکانیزملر حاضرلانماسینی تکلیف ائدیریک.

آخار. آذ خبر وئریر کی، بونو آوروپا بیرلیینه ایله مرکزی آسییا آراسین‌داکی موناسیبتلرین ۲۵ ایللیی ایله باغلی کئچیریله‌ن کنفرانسدا چیخیشی زامانی قازاخیستان خاریجی ایشلر ناظری کایرات عبدوررحمانوو سؤیله‌ییب.

«قازاخیستان آوروپا بیرلیینین مرکزی آسییا ایستراتئگییاسینین یئنی‌لنمه‌سینی دستکلییر. بیز اونون آکتواللاشدیریلماسی ایله باغلی کونکرئت تکلیفلرله چیخیش ائتمه‌یه حاضیریق. بو پروگرامین گلن ایلین اورتالارینا حاضرلانماسی نظرده توتولوب. بورادا گله‌جک امکداشلیغین اساس پریوریتتلری جمعلشه‌جک. آوروپا بیرلیینه مرکزی آسییایا آوروپا کاپیتالینین جلبی اوچون مئخانیزملر حاضرلانماسینی تکلیف ائدیریک. بو، آوروپا شیرکتلرینین رگیونال بازارلارا چیخیشی اوچون یئنی ایمکانلار یاراداجاق و اونون مؤقعلرینی رئگیون‌دا گوجله‌ن‌دیره‌جک»، – دئیه او بیلدیریب.

قئید ائدک کی، حاضردا مرکزی آسییا سیاسی و اقتصادی باخیم‌دان داها چوخ چین و روسییانین تأثیری آلتیندادیر. موسکوانین بؤلگه اؤلکه‌لرینین دئمک اولار کی، اکثریتی اوزرینده موطلق حاکمیتی مؤوجوددور. مرکزی آسییاداکی ۲ دؤولت آوراسییا اتفاقینا عضودور. دیگر اوچ دؤولت ایسه موسکوانین اساس لوکوموتیو رولونو اوینادیغی کولکتیو تهلوکه‌سیزلیک موقاویله‌سی تشکیلاتینا عضودور.

ایسلام کریمووون اؤلوموندن سونرا روسییا اؤزبکیستان‌دا مؤوجود اولان تأثیر گوجونو داها دا آرتیریب.