خوجالی فاجعه‌سینین ۲۶-جی ایلدؤنومو ایله باغلی قارداش تورکییه‌نین رسمی سیمالاری آذربایجان خالقینا باش ساغلیغی وئریب، دستک مئساژلاری یاییملاییب.

آخار. آذ خبر وئریر کی، تبمم صدری ایسماییل قهرمان، تورکییه پرزیدنت آدمینیستراسییاسینین سؤزچوسو ایبراهیم قالین و باش ناظر بینعلی ییلدیریم تورکییه‌نین آذربایجانین حاق داواسین‌دا یانین‌دا اولدوغونو وورغولاییب.

تبمم صدری ایسماییل قهرمان بشار تاریخینین ان قان‌لی قتلیاملاریندان بیرینین خوجالی‌دا یاشاندیغینی خاطیرلاداراق، یازیب: «ارمنیستان دؤولتینین بوگونکو رهبرلرینین ده الی اولان بو قتلیام بشریت تاریخینه اوتانج سندی اولاراق قید ائدیلمیشدیر».

تورکییه‌نین باش ناظری بینعلی ییلدیریم ایسه «تورکییه جمهوریتی اولاراق قارداش آذربایجان خالقینین خوجالیدا اوزلشدیی بو وحشتی و آذربایجان تورپاقلارینین تخمیناً ۲۰ فایزینین ۲۵ ایلده‌ن آرتیق مدتدیر داوام ائد‌ن ایشغالینی ان سرت شکیلده قیناییریق» دئییب.

تورکییه پرزیدنت آدمینیستراسییاسینین سؤزچوسو ایبراهیم قالین خوجالی فاجعه‌سینین ۲۶-جی ایلدؤنومونده شهیدلریمیزی رحمتله یاد ائد‌رک، هر زامان آذربایجان خالقینین یانیندا اولدوغونو بیلدیریب.

قید ائدک کی، بو گون ۲۰-جی عصرین ان دهشتلی فاجعه‌لریندن حساب ائدیلن خوجالی سویقیریمیندان ۲۶ ایل اؤتور.