یئددی ایلدیر قانلی قارشیدورمالارین داوام ائتدیی سورییادا پروسسلرین بوندان سونرا هانسی ایستیقامتده اینکیشاف ائدجیی آیدین اولماغا باشلاییب.
پوبلیکا. آذ خبر وئریر کی، آمریکانین دؤیوش طیارهلرینین فرات چایینین غربیندن شرقینه کئچمهیه چالیشان روسییا گوجلری و سورییا حکومتینه باغلی قوهلری وورماسیندان سونرا فراتین شرقی ایله غربی آراسیندا «ایکی سورییا» یاراداجاق «قیرمیزی خط» فاکتیکی اولاراق چکیلمیش اولوب.
قارشیداکی دؤورده سورییاداکی وضعیتین داها دا چتینلشجیی پروقنوزلاشدیریلیر. معلوماتا گؤره، آمریکا ۷ هفته اول «سورییا قروپو»نداکی متفیقلرینی سورییاداکی نؤوبتی هدفلرله باغلی معلوماتلاندیریب. هدفلرین سورییانین شرقینی قالان حیصهسیندن آیریلماسی، آغ ائوین بؤلگهده امکداشلیق ائتدیی گوجلره ۴ میلیارد دوللارلیق بودجه تاسیس ائدیلمهسی، «سورییا دموکراتیک گوجلری»نین ده داخیل ائدیلدیی سرحد محافظهسی گوجلرینه تعلیم وئریلمهسی و سورییا اوردوسونون بورایا قاییدیشینا مانعه اولاجاق موخالیفتین یارادیلماسی اولدوغو بیلدیریلیب.
آمریکانین کئچدییمیز گونلرده سورییا ایله باغلی گیزلی بیر توپلانتی کئچیردیی دئییلیر. توپلانتیدا آمریکا، اینگیلتره و فرانسانین نمایندهلری ایله یاناشی، یاخین شرقده واشینگتونون ایکی اهمیتلی پارتنیورو اولان سعودییه عربیستانی و ایوردانییانین تمثیلچیلری ده ایشتیراک ائدیردی.
بو سیرلی گؤروشون نتیجهسینه گؤره، اوزرینده چالیشیلماسی پلانلاشدیریلان ۵ هدفین اولدوغو بیلدیریلیر: سورییانی بؤلمک، سوچی پروسئسینی (تورکییه، روسییا و ایران ایشتیراک ائدیر – رئد.) بالتالاماق، تورکییهنی پروسئسدن گئری چکمک، بمت باش کاتیبینین سورییا اوزره خصوصی سفیری ایستفان دی میستورایا جنوره پروسسینی یئنیدن جانلاندیریلماسی بارهده تعلیماتی وئرمک و سورییا موناقیشهسینین حل ایله علاقهلی اولاجاق سککیز مادهلیک سندین ایجراسینا باشلاماق.
معلوماتا گؤره، ایندیکی منظره سورییانین بؤلونمهسی سناریسینده بمت-نین ده بؤیوک رول اوینایاجاغینی گؤستریر. اساس پریوریتت جنوره پروسئسینین گوجلندیریلمهسی اولاجاق. حتی آمریکالیلارین متفیقلرینه آرتیق آستانا فورماتیندا کئچیریلن گؤروشلرده ایشتیراک ائتمهیهجکلرینی بیلدیریب.
بوندان باشقا، بشار اسدین پرزیدنت سئچکیلرینین قازانا بیلمهمهسی اوچون سئچکی شرطلرینین حاضرلانماسی دا آمریکانین پلانلارینا داخیلدیر. روسلارین اسددن ایمتیناسینا راضی سالماق اوچون روسییادا مارتین ۱۸-ده کئچیریلهجک پرئزیدئنت سئچکیلریندن فایدالانماغا چالیشاجاقلار.
بوندان باشقا، روسییایا تضییق گؤستریلمهسی اوچون ۳ صحیفهلیک بیر پلانین حاضیرلاندیغی بیلدیریلیر.