گورجوستان‌دا داخیلی پروسسلرده معین ضدیتلرین عمله گلمه‌سی اوکتیابردا کئچیریله‌جک پرزیدنت سئچکیلری ایله باغلیدیر.

بو سؤزلری آخار. آذ-آ آچیقلاماسین‌دا پولیتولوگ ایلقار ولیزاده دئییب. اکسپرت گورجوستاندا پرزیدنت سئچکیلری ایله باغلی گرگینلیین اؤتن ایلین اوکتیابریندان اعتباراً داوام ائتدیینی دئییب:

«سون آیلارین حادثه‌لری گؤستریر کی، گورجوستاندا داخیلی پروسسلر بیرمعنالی دئییل. ان ماراقلی‌سی ایسه اودور کی، آرتیق بیر نئچه موخالیفت پارتییاسی پرزیدنت سئچکیسینده مارقوئلاشویلینی دستکلیجیینی اعلان ائدیب. حاکم پارتییا طرفیندن سئچیلمه‌سینه باخمایاراق، مارقوئلاشویلینین گورجو آرزوسو پارتییاسی ایله موناسیبتلری پوزولوب. بو فوندا موخالیفت پارتییالاری اونون اطرافیندا توپلاشماغا باشلاییبلار".

سون گونلر سااکاشویلینین گورجوستاندا فعاللیغینا گلینجه، پولیتولوگ اونون گورجوستان سیاستینده ائله ده آکتیو اولدوغونو دوشونمور:

«ساکاشویلینین پارتییاسی مارقوئلاشویلینی دستکله‌یه‌ن پارتییالاردان بیریدیر. واحید میللی حرکات پارتییاسی اساس موخالیفت پارتییاسی ساییلسا دا، اونون ریتینگی هله ده کیفایت قدر آشاغیدیر. سون سورغونون نتیجه‌سینه گؤره، واحید میللی حرکات پارتییاسی ۸، گورجو آرزوسو پارتییاسی ایسه ۲۶ فایز توپلاییب. بو باخیمدان دا حاکم پارتییانین نفوذونون سرعتله آشاغی دوشدویونو دئمک دوغرو اولمازدی. دیگر طرفدن، سااکاشویلی حاقین‌دا گورجوستان پروکورورلوغوندا جینایت ایشی قالدیریلیب، اونو حبس تهلوکه‌سی گؤزلییر. اونا گؤره ده او، هله گورجوستانا گلمه‌یه تلسمیر. بو پروسئسلر چوخ گومان کی، داوام ائد‌جک و جاری ایلین پاییزین‌دا داها مورککب فورما آلاجاق. چونکی پرئزیدئنت سئچکیلرینه بیر نئچه آی قالمیش سیاسی کامپانییا آکتیولشه‌جک و رئال فاووریتلر بللی اولاجاق. استثنا ائدیلمیر کی، گورجو آرزوسو پارتییاسی پرئزیدئنت سئچکیلرینه ایندیکی باش ناظرین نامیزدلیینی ایر‌لی سوره‌جک».

قید ائدک کی، بوندان اؤنجه ساکاشوی‌لی آوروپادا گورجوستانین بیر سیرا موخالیف لیدرلریله گؤروشوب. گؤروشده طرفلر سااکاشویلینین "باش قومارباز" آدلاندیردیغی و سیاسته گئری قاییتماق نیتینی اورتایا قویان ایوانیشویلی و اونون گورجو آرزوسو پارتییاسینا قارشی واحید نامیزدین ایر‌لی سورولمه‌سی باره‌ده راضیلیق الده ائدیبلر. سااکاشویلینین رهبرلیگی ایله پارتییالار «آچیق پلاتفورما» حرکاتی آدی آلتیندا بیرلشدیکلرینی بیلدیریبلر.