ایسوئچین باش ناظری ایستئفان لؤفون رهبرلیک ائتدیی حکومتین قوندارما «ارمنی سویقیری‌می»نی تانیماقلا باغلی پلانینین اولمادیغینی دئییب.

آخار. آذ خبر وئریر کی، ژورنالیستلرین «یعنی، باش وئره‌ن حادثه‌لری سیزین حکومتینیز تانیمایاجاقمی؟» سوالینا باش ناظر «حکومتین بئله بیر پلانی یوخدور، باش وئرنلری تاریخ‌دن اؤیرنمه لییک»، - دئیه جاواب وئریب.

ایستئفان لؤفون ۲۰۱۴-جو ایلده بو مسئله ایله باغلی حکومتی جدی آددیملار آتماغا وادار ائده ه جیینی بیلدیرمیشدی، لاکین باش ناظر سئچیلن‌دن سونرا او، یاناشماسینی دییشدی. «من دئدییمی ائتدیم، آراشدیرما آپاریلدی و نتیجه‌لر باش وئره‌ن حادثه‌لرین چوخ مورکب اولدوغونو گؤستریر. سویقیریمینی پارلامئنت سوییه‌سینده و حکومت سوییه‌سینده تانیماق باشقا-باشقا شئیلردیر»، - دئیه او بیلدیریب.