آمریکا پرزیدنتی دونالد ترامپ و اؤلکه‌نین بیرینجی خانیمی ملانییا ترامپ شیمالی کورئیانین آزادلیغا بوراخدیغی ۳ آمریکا وطنداشینی واشینگتن یاخینلیغینداکی مقدس اندریو آویابازاسیندا قارشیلاییب.

آخار. آذ خبر وئریر کی، قارشیلاما مراسیمینده آچیلان نهنگ آمریکا بایراغی دقت چکیب.

خاطیرلاداق کی، آزادلیغا بوراخیلان آمریکا وطنداشلاری لیدرلرین تاریخی گؤروشو عرفه‌سین‌ده شیمالی کورئیایا سفر ائد‌ن دؤولت کاتیبی مایک پومپئو ایله بیرلیکده اؤلکه‌یه قاییدیبلار. اؤلکه باشچیسی و بیرینجی خانیم اولجه طیاره‌یه مینرک آمریکایا قاییدان شخصلرله بیر مدت تکبتک گؤروشوبلر.

«بو ۳ محتشم اینسان اوچون بو گون خصوصی بیر گئجه اولاجاق. شیمالی کورئیا ایله یئنی بیر موناسیبته باشلاییریق»، - ترامپ دئییب.

قید ائدک کی، آمریکا وطنداشی اولان کیم دونق-چول، کیم سانق-دوک و کیم هاک-سونق بیر مدت‌دیر کی، جاسوسلوق اتهامی ایله شیمالی کورئیادا ساخلانیلیردی.