اؤلکه‌نین ایرانلا سرحد منطقه‌لریندن تورکییه‌یه کئچمک ایسته‌ین افغانلارین سایی دورمادان آرتیر. ۲۰۱۸-جی ایلین جاری دؤورونده ۳۰ مینه یاخین افغان تورکییه‌یه داخیل اولوب. اونلارین ۷۱۰۰ نفری طیاره واسطه‌سیله اؤلکه‌لرینه گئری گؤندریلیب.

آخار. آذ خبر وئریر کی، تورکییه‌نین «هابئر۷» نشری سرحدده یاشانان بو «کؤچ بحرانی»نین آرخاسین‌دا آمریکا و به-نین دایاندیغینی یازیب.

نشرین یازدیغینا گؤره، بؤلگه‌ده افغانلارین گنیش میقیاس‌لی کؤچو بیله‌رکدن تورکییه سرحدلرینه یؤنلندیریلیر. بونون آرخاسیندا ایسه باشدا آمریکا، امارات، بیر سیرا کؤرفز اؤلکه‌لری اولماقلا، عینی زاماندا القایده و طالبان کیمی ترور قروپلاشمالاری دایانیر. تورکییه‌نین قاچقینلارا قارشی حساسلیغیندان ایستیفاده ائتمه‌یه چالیشان آمریکا و امارات افغان قاچقینلاری تورکییه‌یه یؤنلتمکله تهرانلا آنکارا آراسیندا گرگینلیک یاراتماغی، سورییا پروسسلرین‌ده ایستیلشن موناسیبتلره ضربه وورماغی پلانلاشدیریر. بوندان علاوه ایسه سورییادان گلن ۳.۵ میلیون قاچقینا قوجاق آچان تورکییه‌نین بو ساحه‌ده قازاندیغی مثبت ایمیجی لکه‌له‌نمه‌یه چالیشیرلار.

بو پروسئس‌ده ترور قروپلاشمالاریندان و اینسان آلوئری ایله مشغول اولان موتشککیل جینایتکار دسته‌لردن گئنیش ایستیفاده اولونور. سؤزوگئدن مسئله‌لرده ایسه ان چوخ آدی حاللانان آمریکانین افغانیستان‌داکی سفیری جون باسس‌دیر. محض اونون افقانیستانا گئدیشین‌دن سونرا ترور آکتلارینین ساییندا نزرچارپان آرتیمین قیده آلینماسی و بونون تورکییه‌یه گلن افغانلارین سایینا کسکین تأثیر گؤستردیی بیلدیریلیر.

القایده و طالبان کیمی ترور قروپلاشمالاری اینسانلاری تورکییه‌یه گئتمک اوچون گیزلی شکیل‌ده تعلیماتلاندیریر. عضا حتی بو قروپلاشمالاری مالیه لشدیره‌ن به بعضی کؤرفز اؤلکه‌لرینین اینسان آلوئرچیلرینه ده نه یوللا اولور-اولسون، تورکییه‌یه اینسان قاچیرمالاری اوچون پول اؤدییر.