ایسرایلین بلژیکدکی سفیری سیمونا فرانکل ۱۴ مایدا قززا زولاغیندا باش وئرن قانلی حادثه‌لر زامانی هلاک اولان فیلیسطینلیلری ترورچو آدلاندیریب.

آخار. آذ خبر وئریر کی، سفیرین حادثه‌لر باره‌ده آچیقلاماسینا بلژیکین باش ناظری شارل میشل چوخ سرت رئاکسییا گؤستریب.

ایسرایل سفیرینین «بوتون اینسانلارین حیاتینی ایتیرمه‌سینه گؤره اوزولوروک، سرحدی کئچمه‌یه چالیشان ۵۵ ترورچو اوچون بئله» سؤزلرینه جاواب وئره‌ن باش ناظر شوکا دوشدویونو بیلدیریب:

«بین الخالق بیر ایستینتاق طلب ائدیریک. بین الخالق زمینده جزاسیزلیقدان صحبت گئده بیلمز. ایسرایلین تهلوکه‌سیزلیک حاقینی مدافعه ائتمک اوچون همیشه بو اؤلکه‌نین یانیندا دایاندیق، آنجاق فاجعه‌لرله نتیجه‌لنن حدسیز شدته اجازه وئریلمه‌سی قبول ائدیلمزدیر».

خاطیرلاداق کی، اؤتن گون آمریکا سفیرلیینین قودسه کؤچورولمه‌سینه اعتراض ائد‌ن فیلیسطینلیلره آچیلان آتش نتیجه‌سینده اؤلنلرین سایی ۶۱ نفره چاتیب. حادثه‌لر زامانی ۲۷۰۰ نفر یارالانیب.