حتی بعضی حاللاردا ارمنیلر آذربایجانین ایشغال آلتین‌دا اولمایان اراضیلرینه بئله ارمنی آدلاری قویوبلار. آذربایجانین پایتختی باکینین، شمکیر شهرینین و س. آدینین دییشدیریلمه‌سینه جهدلر اولونوب.

آخار. آذ خبر وئریر کی، بو سؤزلری «شرق» قزئتینه گئنیش آچیقلاماسین‌دا ایکت اوزره متخصص جاهید ایسماییلوغلو دئییب. او بیلدیریب کی، گوگل-ماپس‌ده آذربایجان اراضیلرینین ارمنی آدلاری ایله وئریلمه‌سی گوگل شیرکتینین ایشی دئییل:

»شیرکت او بؤلگه‌ده یاشایان اینسانلارا ایمکان یارادیر کی، تکنیکی ایمکانلارلا اراضیلره آد وئرسینلر. بونو اینترنئت ایستیفاده‌چیلری، گوگل-ماپس‌ده قئیدیات‌دان کئچن شخصلر ائده بیلر. ارمنیلر بو پلاتفورمادا آکتیو ایشتیراک ائتدیکلری اوچون اینفورماسییا محاربه‌سینده ایرلیلییش الده ائدیرلر. تأسف کی، بیز بو تخریباتلارا جواب وئره بیلمیریک. بونونلا باغلی بین الخالق حقوق سیستمینده آددیم آتماق عوضینه، اینترنت ایستیفاده‌چیلرینین پوتنسیالیندان یارارلانماق اولار. سؤزوگئدن تطبیق‌ده قیدیاتدان کئچمکله ارمنی منشأ‌لی آدلاری آذربایجان آدلاری ایله عوض ائده بیلریک».