ائرمنیستان سلاح‌لی قوه‌لرینین آذربایجانین ایشغال ائدیلمیش داغ‌لیق قاراباغ بؤلگه‌سین‌ده‌کی حربی بیرلشمه‌سینین عسگری گئوورق آرویان قتله یئتیریلیب.

تئلئقراف. جوم خبر وئریر کی، بو باره‌ده ائرمه‌نی مطبوعاتینا عسگرین آناسی آرینا آرویان معلومات وئریب.

او، گئوورقون دؤیوله‌رک اؤلدورولدویونو ادعا ائدیب:

«اوکتیابرین ۱-ده منه دئدیلر کی، اوغلون گؤزلنیلمه‌دن وفات ائدیب. من بونا اینانمادیم. گئوورقون اؤلومون‌دن بیر گون اول قاراباغا گئتمیشدیم، یاخشی ایدی. سحری گون ایسه منه بو پیس خبری گتیردیلر. مئییتینه باخدیم، بده‌نین‌ده، گؤزلرینین آلتین‌دا و قولاقلارینا بنؤوشیی رنگلر وار ایدی».

اوکتیابرین ۲-ده ایسه ائرمنیستان سلاح‌لی قوه‌لرینین حربی تدقیقات ایداره‌سی بیانات یایاراق، گئوورق آرویانین سینه‌سینه آتش آچاراق اینتیهار ائتدیینی بیلدیرمیش‌دی.

آناسی آرینا ایسه عکسینی ادعا ائدیر: «من اونو زیارت ائتمه‌یه گئدن‌ده اوشاق کؤهنه پالتاردا ایدی. اونا یئنی حربی فورما آلدیم. پالتارینی دییش‌دیره‌ن‌ده باشین‌دا یارا اولدوغونو گؤردوم. بو حاق‌دا منه هئچ نه دئمه‌دی، اما من بیلدیم کی، اونا بورادا ایشگه‌نجه وئریرلر.

او، قورخوسون‌دان شیکایت ائتمه‌دی. لاکین من بو ایشی آراش‌دیرماق اوچون خانکندینه گئتدیم، منه دئدی کی، گئنئرال مانوئلیان منه کؤمک ائده بیلر. من گئوورقا دئدیم کی، قایی‌داجام. او ایسه منه دئدی کی، آنا تئز گل.

من هئچ نه دوشونه بیلمیردیم، او، دهشت ایچین‌ده قورخوردو، آز قالا یالواریردی. منیم اوشاغیم اینتیهار ائده بیلمزدی، بو، آخماق‌لیق‌دیر. اونو ایشگه‌نجه وئره‌رک، دؤیه‌رک اؤلدوروبلر».