ارمنیستان خاوسا یووارلانماق عرفه‌سینده‌دیر.

آخار. آذ خبر وئریر کی، بو سؤزلر ارمنی ژورنالیست گئوورک اووانیسیانین «یئکراماس» سایتین‌دا درج اولونان مقاله‌سین‌ده یئر آلیب.

«هر حکومتی ایلک ۱۰۰ گونونه گؤره محاکیمه ائدیرلر. محض بو دؤور عرضین‌ده حاکمیته گلن قوه‌نین اؤز پروقرامینی نه درجه‌ده ایجرا ائتمک قابیللیتی آیدین اولور.

حاکمیته گلرکن نیکول پاشینیان دئییردی کی، اونون هدفی حاکمیت‌ده‌کی اولیقارخیک کلانلار اساسین‌دان فورمالاشان، قرارلاری حقوقی اساس اوزرین‌ده یوخ، حاکمیت اینستیتوتلارینا قئیری-قانونی تضییقلر اساسین‌دا قبول ائد‌ن کهنه سیستمی سیندیرماقدیر. پاشینیان و اونون طرفدارلاری دئییردیلر، هدفلری اولیقارخیک ایداره ائتمه‌نی گوجلو دئموکراتیک اینستیتوتلار قورماقدیر. بس بو گون بیز نه موشاهیده ائدیریک؟

کئچه‌ن ۱۰۰ گونو نیکول پاشینیان محتشم میتینقله قئید ائتدی. بو میتینق‌ده او بیان ائتدی کی، بون‌دان سونرا کوچه یئنی‌دن فورمالاشمانین قارانتی اولاجاق. بس او زامان اگر هر شئیین قراری میدان‌دا وئریله‌جکدیسه، هانسی رفورملار و دموکراتیک اینستیتوتلارین فورمالاشماسین‌دان صحبت گئده بیلر؟ بو، ساده‌جه باشلانغیج‌دیر.

نیکول پاشینیان اوچون ایلک ایمکان ۲۰۰۸-جی ایلین ۱ مارت حادثه‌لری حاقین‌دا جینایت ایشی اولدو. بورادا آراش‌دیرما بیر یوللا - ائرمنیستانین ایکینجی پرئزیدئنتی روبئرت کؤچریانین اونوانینا اتهاملارین سسلندیریلمه‌سی ایله گئت‌دی. یعنی او و همین دؤورون سلاح‌لی ایستروکتورلارینین رهبرلری نوماییش‌چیلره قارشی قئیری-قانونی گوج تطبیق ائدیبلر. بو آرتیق جینایت ایشینین سیاسیلشدیریلمه‌سی دئمک ایدی»، – دئیه او بیلدیریب.

اونون سؤزلرینه گؤره، پاشینیانین کؤچریانی کونستیتوسیون رئژی‌می دییشمک‌ده اتهام ائتمه‌سی پاشینیانین اؤزونون قئیری-لئگیتیم اولماسی آنلامینا گلیر:

«کؤچریانی کونستیتوسیون قورولوشو دئویرمک‌ده اتهام ائدیرلر. ایر‌لی سوروله‌ن ادعا چوخ تهلوکه‌لی‌دیر. بئله چیخیر کی، اگر کؤچریان کونستیتوسیون رئژی‌می دئ-فاکتو محو ائدیب‌سه، او زامان سئرژ سرکیسیان قئیری-لئگیتیم‌دیر. دئمک کی، هم ده ۲۰۱۵-جی ایلین کونستیتوسییا رئفورملاری دا قئیری-لئگیتیم‌دیر. دئمک کی، هم ده نیکول پاشینیان قئیری-لئگیتیم‌دیر، چونکی سرکیسیان دؤورون‌ده قبول ائدیله‌ن قانونلار اساسین‌دا باش ناظر اولوب».

او، ائرمنیستان‌دا یئنی حکومتین سلفلری اوچون جینایت حساب ائتدیی بوتون آددیملاری اؤزونون تکرارلادیغینی بیلدیریب. اووانیسیان یئنی حکومتین اؤزون‌دن اوولکیلرین سهولرینی تکرارلایاجاغی تق‌دیرده اؤلکه‌نین خاوسا یووارلاناجاغینی سؤیله‌ییب.