آذربایجان‌لی فعال نسیم صادقی «سپاه»این تجریدخاناسیندا غیری-معین وضعیتده ساخلانیلیر.

آخار. آذ خبر وئریر کی، فعالین اوغلو محکمه اورقانلارینا مراجعت ائتسه ده، آناسینین ساخلانما سببی باره‌ده اونا هئچ بیر معلومات وئریلمه‌ییب.

تهلوکه‌سیزلیک قوه‌لری فعالی یاخالاماق اوچون ائوه مراجعت ائد‌ن زامان اونا مخصوص بیر چوخ شخصی اشیا، او جمله‌دن موبیل تلفنو، کومپوتر، کیتاب و ال یازمالاری اؤزلری ایله گؤتوروبلر.

صادقینین عائله‌سی و یاخینلاری اونون ساخلانماسینین ویرتوال عالم‌ده‌کی فعالیتی ایله علاقدار اولدوغونو احتیمال ائدیر.

قید ائدک کی، صادقی آذربایجان تورک میللتینین دموکراتیک و میللی حقوقلاری اوغروندا آپاردیغی مدنی موباریزه‌یه گؤره موختلیف تضییقلره معروض قالیب و دفعه‌لرله تهلوکه‌سیزلیک قوه‌لری طرفیندن ساخلانیلیب.