روسییا پرزیدنتی ولادیمیر پوتینله ایران پرزیدنتی حسن روحانی آراسین‌دا نماینده هئیتلرینین ایشتیراکی ایله کئچیریله‌ن گؤروش زامانی ماراق‌لی آنلار یاشانیب.

Axar.az خبر وئریر کی، بو باره‌ده ریا یازیب.

معلوماتا گؤره، ترجومه آوادانلیغین‌دا یارانان پروبلئم گؤروشون درحال باشلاماسینا مانع اولوب. بئله کی، پوتین نیطقینه ایران‌دا باش وئرمیش تئراکتلارلا علاقدار روحانییه باش ساغ‌لیغی ایله باشلاییب. لاکین روسییا لیدری درحال سونرا قوناقلارین اوز ایفاده‌لری و ژئستلرین‌دن ترجومه‌نین حیاتا کئچیریلمدیینی آنلاییب. بوندان سونرا پوتین قوناقلارا ترجمه‌نین اولوب-اولمادیغینی سوروشوب. تئکنیکی پروبلئم تخمیناً بیر دقیقه یاریم داوام ائدیب و پوتین بو مدت‌ده بیر نئچه دفعه ایران‌لی رسمیلره جیهازلارین چالیشیب-چالیشماماسی باره‌ده سواللار وئریب.

پروبلئمین آرادان قالدیریلماسین‌دان سونرا گؤروش داوام ائدیب.

***

تورکییه اؤز ناراحاتلیغین‌دا حاق‌لی‌دیر. تروریزم رگیون اوچون بؤیوک تهلوکه‌دیر.

بو سؤزلری ایران لیدری حسن روحانی روسییالی همکاری ولادیمیر پوتینله گؤروشون‌دن سونرا مئدیایا آچیقلاماسین‌دا دئییب.

***

سوچی‌ده کئچیریله‌ن اوچترف‌لی گؤروش‌دن سونرا اردوغان، روحانی و پوتین موهوم آچیقلامالارلا چیخیش ائدیب.

ایلک اؤنجه پوتین چیخیشی زامانی بیلدیریب کی، ایدلیب‌ده تهلوکه‌سیز بؤلگه‌نین یارادیلماسی موقتی آتیلمیش آددیم‌دیر:

"بؤلگه‌نین سورییا آدمینیستراسییاسینا تهویل وئریلمه‌سی شرط‌دیر".

روحانی ایسه قید ائدیب کی، سورییادا حل حربی دئییل، سیاسی شکیل‌ده یولونا قویولمالیدیر.

ایران لیدری علاوه ائدیب کی، آمریکا سورییادان چیخسا بئله، اونون تهدیدلری داوام ائد‌جک.

اردوغان دا اؤز نؤوبه‌سین‌ده وورغولاییب کی، سورییادا حل یولونا اولان اومیدلر هئچ بیر زامان بو قدر آرتمامیش‌دیر:

"سورییایا دایر ۵-جی زیروه گؤروشونون تورکییه‌ده کئچیریلمه‌سینی تؤوصییه ائدیرم".