بحرین‌ده ترورچو بیر قروپ یاراداراق «سپاه»لا علاقه‌ده اولان ۱۳۸ نفر اؤلکه وطنداشلیغین‌دان چیخاریلیب.

Axar.az خبر وئریر کی، بو باره‌ده بحرینین باش پروکورورو احمد ال حمادی آپرلین ۱۶-دا ژورنالیستلره آچیقلاما وئریب.

او بیلدیریب کی، بوتون متهیملر قروپ شکیلینده محاکیمه ائدیلیب: «اونلار، لیوان حزب اللاهی» ایله ارتباطدا اولان «بحرین حزب اللاهی» ایله امکداشلیق‌دا و ایران اینقیلاب کئشیکچیلری کورپوسو (سپاه) ایله علاقه‌ده اولماق‌دا گناهلاندیریلاراق، ۳ ایلده‌ن عمورلوک حبسه قدر محکوم ائدیلیبلر. محکمه‌نین قراری ایله متهیملردن ۶۹-او عمورلوک حبسه محکوم ائدیلیب. همچینین آختاریش‌دا اولان متهیملردن ۱۰-او غیابی شکیل‌ده محاکیمه ائدیلیب.

ایستینتاق زامانی متهیملردن بعضیلرینین ایران‌دا، لیوان‌دا و عراق‌دا حربی تعلیم کئچدیی بللی اولوب. بحرین محکمه‌سینین قراری ایله ترور فعالیتلری ایله مشغول اولان و «سپاه»لا علاقه‌ده اولان بو ۱۳۸ نفر اؤلکه وطنداشلیغین‌دان محروم ائدیلیب» – دئیه احمد ال حمادی علاوه ائدیب.