رگیون‌دا اولان قونشو دؤولتلردن توقعمیز بودور کی، آمریکانین و قصبکار ایسرایلین رفتاری ایله عینی ایستیقامت‌ده اولان آددیملاردان چکینسینلر. چونکی بونون نتیجه‌سی بوتون بؤلگه خالقلاری اوچون منفی اولاجاق و بؤلگه‌ده بیرگه یاشام موحیطینه ضرر دیه‌جک.

Axar.az خبر وئریر کی، بونو ایران اوردوسونون "خاتم الانبییا" مرکزی قرارگاهینین کومان‌دانی گنرال-مایور غلامعلی رشید دئییب.

ایران اوردوسو بؤلمه‌لرینین فعالیتی ایله باغلی فوروما قاتیلان ایران‌لی گئنئرال اؤلکه‌سینین بؤیوک خسارتلرله نتیجه‌لنه‌ن بیر محاربه‌نی تجروبه ائتدیینی بیلدیریب و ایرانین قونشو اؤلکه‌لرله دوستلوق، ثابتلیک و فیراوانلیق ایچین‌ده یاشاماق ایستدیینی دیله گتیریب.

رگیون‌دا باش وئره بیله‌جک محاربه‌دن هئچ بیر دؤولتین خسارتسیز چیخمایاجاغینی دئیه‌ن ایران‌لی گنرال وورغولاییب کی، ایران دا محاربه ایستمیر.

رشید ایرانین قونشولوغوندا یئرلشن، آمریکانین و ایسرایلین پلانی ایله حرکت ائد‌ن دؤولتلره ده خبردارلیق ائدیب:

"بیز قونشولارلا صولح و مهریبانچیلقلا یاشاماغا اینانیر و بو ایستیقامت‌ده سعی گؤستریریک. اومیدواریق کی، آمئریکانین و ایسرایلین بؤلگه‌ده محاربه یاراتماق پلانی ایفلاسا اوغرایار. بوندان غیریسی اولسا رگیون سونو بللی اولمایان تهلوکه‌لی حادثه‌لرله دولو قویویا چئوریلر." دئیه ایران‌لی گنرال سعودییه عربیستانی و بیرلشمیش عرب امیرلیینه خبردارلیق مئساژی گؤندریب.