ایران ایله آمئریکا آراسیندا موناسیبتلر گون‌دن-گونه گرگینلشیر. وضعیت آرتیق حربی گوج نوماییش ائتدیرمک سوییه‌سینه چاتیب.

Axar.az خبر وئریر کی، واشینگتون آدمینیستراسییاسی بومباردمانچی طییاره داشییان «آوراام لینکول» حربی گمی‌سینی فارس کؤرفزینه گؤندرمک قرارینا گلیب. حربی گمی آرتیق ویرجینییا ایشتاتینین ساحلینده‌کی حربی بازادان چیخاراق فارس کؤرفزینه ایستیقامت گؤتوروب. آمئریکا پرزیدنتینین میللی تهلوکه‌سیزلیک مسئله‌لری اوزره موشاویری جون بولتون بیان ائدیب کی، رسمی واشینگتون ایسته‌نیلن حالدا موتتفیقلرینین ماراقلارینی مدافعه ائد‌جک.

قئید ائتمک لازیم‌دیر کی، پرزیدنت دونالد ترامپ ایران نفتینین دونیا بازارینا چیخاریلماسینین قارشی‌سینی تامامیله آلماق مقصدیله ۶ آی مدتینه ۷ اؤلکه‌یه نفت آلماق ایجازه‌سینی آرادان قالدیردیقدان سونرا وضعیت داها دا گرگینلشدی. ایران سلاحلی قوه‌لرینین قرارگاه رئیسی گنرال محمد باقری بیان ائتدی کی، اگر ایران دونیا بازارینا نفت چیخارا بیلمه‌سه، اوندا هؤرموز بوغازینی باغلایاراق کؤرفز اؤلکه‌لرینین ده نفت ساتیشینی دایاندیراجاق. مسئله نین ماهیتی اوندان عبارت‌دیر کی، هؤرموز بوغازی فارس کؤرفزین‌دن هیند اوکئانینا چیخیشی تامین ائدیر و کؤرفز اؤلکه‌لری دونیا بازارینا تانکرلرله نفت محض بو یوللا چیخاریرلار.

گنرال م. باقرینین بیاناتین‌دان سونرا آمئریکا حربی گمی‌سینی فارس کؤرفزینه گؤندرمک قرارینا گلیب. هر ایکی طرفین رسمیلری حربی توققوشما آرزوسون‌دا اولمادیقلارینی بیلدیرسه‌لر ده، گؤرونه‌ن اودور کی، دیپلوماتیک دیلله دئییلن سؤزلر رئاللیقدا اؤزونو دوغرولتمور. اؤتن گون آمئریکا کؤرفزه حربی گمی گؤندرمک قرارینا گلدی، بو گون ایسه ایران یئنی تئخنولوگییالارلا حاضیرلانمیش سلاحلارینی نوماییش ائتدیردی. طرفلر آراسینداکی گرگینلیین نه واختا کیمی داوام ائده جه یینی و حربی توققوشمانین باش وئریب-وئرمیه جه یینی ایسه زامان گؤستره‌جک.