گونئی آذربایجان اؤیرنجیلرینین مرکزی حکومت و اونون رسمی اورگانلاریین آیری-سئچکیلیک سیاستینه قارشی باشلاتدیقلاری سیستملی اعتراض حرکاتین‌دان ۲۴ ایل اؤتور.

Axar.az خبر وئریر کی، ۱۹۹۵-جی ایل (هیجری-شم‌سی تقویمی ایله ۱۳۷۴-جی ایل) تبریز و دیگر آذربایجان اونیورسیتتلرینین تورک اؤیرنجیلری، اؤیرنجی موباریزه‌سینده یئنی تاریخین تملینی قویوبلار. بو گون هر ایل تورک اؤیرنجیلری طرفین‌دن «اؤیرنجی گونو» کیمی قئید اولونور.

۱۹۹۵-جی ایلین مای آییندا ایران تله رادیو شیرکتینین تدقیقات مرکزی تهران و قوم شهرلرینده تورک میللتینی آشاغیلایان آنکت یاییب.

آنکت‌ده بئله سواللار یئر آلیب:

- ائوله‌نمک ایسته سه ایدینیز، بیر تورک ایله عائله قوراردینیزمی؟

- قیزینیزین بیر تورک ایله قایله قورماسینی ایستردینیزمی؟

- عاشورا و تاسوا مراسیمی کیمی خصوصی ییغینجاقلاردا تورکلرله بیر آرادا اولماق ایستردینیزمی؟

- قونشونوز تورک اولوسایدی، اونلارین مراسیمینده ایشتیراک ائدردینیزمی؟

- بیر تورک ایله همکار اولماق ایستردینیزمی؟

- اکثریتی تورک اولان بیر محله‌ده یاشاماق ایستردینیزمی؟

- بیر تورک ایله موناسیبت قوروب، اونو قوناق چاغیریب و یا قوناغی اولماق ایستردینیزمی؟ و س.

بو آنکئت یاییلدیقدان سونرا تورک اؤیرنجیلر ایرانین موختلیف اونیورسیتتلرینده اعتراضا قالخیب، دینج کئچیریلن اعتراض تهلوکه‌سیزلیک قوه‌لرینین کوبود موداخیله‌سی ایله نتیجلنیب. اؤیرنجیلر کئچیردیکلری آکسییالاردا شووینیزمه قارشی شوعار سسلندیریبلر.

اؤیرنجیلرین اعتراضیندان سونرا دؤولت رادیوسو یاییلان آنکئتی خاریج اؤلکه‌لره باغلایاراق بیلدیرد کی، مقصد اؤلکه‌ده میللی بیرلیگی پوزماق‌دیر.

رادیودا قید اولوندو کی، بو مسئله ایله باغلی گوناهکارلار جزالاندیریلاجاق، لاکین اوزون ایللر کئچمه‌سینه باخمایاراق آنکتین مؤلفی معلوم اولمادی و بونونلا باغلی کیمسه جزالاندیریلمادی. سویداشلاریمیز او گوندن مایین ۹-نو گونئی آذربایجاندا «اؤیرنجی گونو» کیمی قید ائتمه‌یه باشلاییب.