آنا صحیفه پلانت |
آذنیوز. تی وی خبر وئریر کی، ائو اشیالارینین ساتیجیلاری بیرلیینین رهبری ائو اشیالاری (میشت تئکنیکاسی) بازاریندا فیریلداقچیلیغین آرتماسینین، کئیفیتلی ایران ماللارینی مارکلارینین خاریجی آدلارلا دییشدیرهرک داها یوکسک قیمتلره ساتیلدیغینی بیلدیریب.
بو گونلرده خاریجی آوادانلیقلارین ساتیش بازاریندا بؤیوک فعاللیق مشاهیده اولونور و ساتیجیلار طرفیندن چوخلو رئکلاملار وئریلیر. کئچهن ایلدهن بری خاریجی ائو اشیالاری یئرلی ایستحصال اوچون قاداغان ائدیلدی و بو ماللار اؤلکهیه غیری-قانونی واسطهلرله (قاچاقمالچیلیق یولو ایله) داخیل اولدوغو و آسانلیقلا ساتیلدیغی دئییلیر.
بو ماللار اؤلکهنین غرب سرحدلریندن موختلیف یوللارلا گتیریلیر، باخمایاراق کی، خاریجی مارکالار آدی آلتیندا ساتیلان ماللارین بعضیلرینین ایران محصوللاری اولدوغو تصدیق اولونوب.
ائو اشیالارینین ساتیجیلاری بیرلیینین صدری علاوه ائدیب: «آنبارلاردا اولان ماللارین مارکالارینی ائله دییشدیریرلر کی، آلیجیلار ماللارین خاریجی مال اولدوغونو آنلامیر. داها اهمیتلیسی ایسه بودور کی، اوجوز ایران ماللاری خاریجی آدلار آلتیندا باها قیمته ساتیلیر.
«بو محصوللارین چوخو اس ام اس`له و ویرتوال شبکهده ساتیلیر کی، اونلارین ساتیجیلارینا چیخیشیمیز یوخدور»،- دئیه میری وورغولاییب.
او علاوه ائدیب کی، بو محصوللار رسمی ماغازالاردا آلینیرسا، بو آراشدیریلاجاق. فاکتورالی ماغازالاردان آلیش-وئریش ائدن هموطنلریمیزین شیکایتلرینه باخماغا حاظیریق و قانونسوز ساتیش حیاتا کئچیرهنلر مالین ۲-۴ قات دیرینده جریمهلنهجک.
تاریخ
2019.08.13 / 15:33
|
مولف
Axar.az
|