آنا صحیفه پلانت |
ایرانلی قاچقینلار آراسیندا اونیورسیتئت تحصیللی قاچقینلارین سایی هر ایل آلمانییادا داها دا آرتیر. ۲۰۱۸-جی ایلده ایرانلی قاچقینلاری آراسیندا اونیورسیتئت معزونلاریندان قاچقینلارین نیسبتی ۴۷.۵ فایز تشکیل ائدیب.
آخار. آذ خبر وئریر کی، بو بارهده آلمانییا میقراسییا ایدارهسینین معلومات یاییب.
حساباتا گؤره، ۴۷.۵ فایز اونیورسیتت معزونلاری ایله یاناشی، ۲۰۱۸-جی ایلده آلمانییایا سیغینان ایرانلی قاچقینلارین تخمیناً ۴۰ فایزینی دیپلملو شخصلر تشکیل ائدیب. ایرانلی قاچقینلارین هئچ بیری سوادسیزلار سیاهیسیندا یئر آلماییبلار. فدرال میقراسییا ایدارهسینین ایستاتیستیکاسینا گؤره، سون ایللرده آلمانییادا هر ایل ایران و تورکییهدن اولان عالی تحصیللی قاچقینلارین سایی آرتماقدادیر. مثلاً، ۲۰۱۸-جی ایلده ایراندان اونیورسیتت تحصیلی سیغیناجاق آختارانلارین سایی ۲۰۱۷-جی ایلله مقاییسهده ۵% و ۲۰۱۶-جی ایلله مقاییسهده داها چوخ آرتیب.
بو تندنسییانین فونوندا فدرال میقراسییا خیدمتینین رسمیلری آلمانییانین ایران و تورکییه اونیورسیتتلریندن معزون اولان قاچقینلارین ایختیصاصیندان یارارلانماسینی اوپتیماللاشدیرماق اوچون الوئریشلی شرایط یاراتماغی تکلیف ائدیبلر.
ایرانین قونشو اؤلکهلری آراسیندا عالی تحصیللی سیغیناجاق آختارانلار باخیمیندان یالنیز تورکییه بو ساحهده ایراندان داها یاخشی وضعیته مالیکدیر. ۲۰۱۸-جی ایلده آلمانییایا سیغینان تورکییه وطنداشلارینین تخمیناً ۶۰% -ی اونیورسیتت تحصیلی آلدیقلارینی بیلدیریبلر. ۲۰۱۷-جی ایلده بو رقم ۱۳ فایز آشاغی ایدی. آنجاق ۲۰۱۸-جی ایلده تورکییهلی قاچقینلارین ۸ فایزینی عمومیتله تحصیلی اولمایان شخصلر تشکیل ائدیب.
عراق، سورییا و افغانیستاندان اولان عالی تحصیللی قاچقینلارین سایی ایران و تورکییهدن دفعهلرله آزدیر.
۲۰۱۸-جی ایلده سورییالی قاچقینلارین ۱۷% -ی، عراقلی قاچقینلارین ۱۴% -ی و افغانیستانلی قاچقینلارین تخمیناً ۱۲%-نی عالی تحصیللی شخصلر تشکیل ائدیب.
تاریخ
2019.08.14 / 14:43
|
مولف
Axar.az
|