ماکی-بازرگان یولون‌دا بازار ائرته‌سی گئجه ساعتلارین‌دا یول قزاسی باش وئریب.

بو باره‌ده ماکی یول پلیسینین رئیسی، پولکوونیک علیرضا ایسماعیلنژاد معلومات یاییب.

حادثه «پژو ۴۰۵» مارکالی مینیک ماشینی ایله «خاور» یوک ماشینینین توققوشماسی نتیجه‌سین‌ده میدانا گلیب». قزادا سواری ماشینین سوروجوسو یئرین‌ده‌جه، سرنیشینی ایسه خسته‌خانایا چاتدیریلارکه‌ن حیاتینی ایتیریب. مینیک ماشینین دیگر ۲ سرنیشینی، وفات ائد‌نلرین اؤولادلاری فجر خسته‌خاناسینا چاتدیریلیب.

یول پلیسی حادثه‌نین باش وئرمه عاملیندن دانیشارکن «خاور» یوک ماشینینین سولا دؤنمه‌سینین قزایا سبب اولدوغونو بیلدیریب.

قید ائدک کی، ماکی غربی آذربایجان شهرلریندن‌دیر. ایلده ۵۰۰ نفر غربی آذربایجانین یول قزالاریندا دونیاسینی دییشیر.