زنجانین خدابنده (قیدار) کندلرینین بیرین‌ده نقلیات واسطه‌سی ایله زارافاتلاشما ایکی اوشاغین حیاتینا سون قویوب.

بو باره‌ده زنجان ویلایتی یول پولی‌سینین رئیسی محمد علی عظیمی معلومات وئریب.

«حادثه «خدابنده (قیدار)» رایونونون «گوورچین» کندین‌ده باش وئریب. بئله کی، موتوسیکلئتی ایداره ائد‌ن ۱۳ یاش‌لی یئنی‌یئتمه ایله تراکتورو ایداره ائد‌ن ۱۷ یاش‌لی یئنی‌یئتمه ایداره ائتدیکلری نقلیات واسطه‌سی ایله زارافاتلاشماق ایسته‌ییبلر. نتیجه‌ده موتوسیکلئتی ایداره ائد‌ن اوغلانین ۷ و ۸ یاشلاریندا اولان باجی و قارداشی دونیاسینی دییشیب. اؤزو ایسه آغیر یارالاناراق خسته‌خانایا آپاریلیب. بوندان علاوه بیرینجی گون ساعت ۹:۳۰ راده‌لرین‌ده یوک ماشینینی ایداره ائد‌ن سوروجو پیر مرزبان کندینین اراضی‌سین‌دن کئچرکه‌ن یوخولو اولوب و ماشینا نظارتی ایتیریب. نتیجه‌ده ماشین آشیب و سوروجو آلدیغی خسارتلر نتیجه‌سین‌ده ائله حادثه یئرین‌ده‌جه دونیاسینی دییشیب»، عظیمی بیلدیریب.

قید ائدک کی، جاری ایلین ایلک ۳ آیین‌دا زنجان‌دا ۳۲۳ یول قزاسی باش وئریب. بو قزالاردا ۴۱۷ شخص خسارت آلیب، ۴۵ سویداشیمیز ایسه حیاتینی ایتیریب.