یاپوندیللی قزئتین جمعه گونو وئردیی معلوماتا گؤره، یاپونییا حکومتی اؤز مدافیعه قوه‌لرینی آیریجا هرمز بوغازینا گؤندرمیی پلانلاشدیریر.

«رئوتئرس»این یاپونییانین آساهی قزئتینه ایستینادا وئردیی معلوماتا گؤره، اؤلکه کؤرفزده دنیز سفرلرینی قوروماق اوچون آمریکانین رهبرلیک ائتدیی کوالیسییادان آیریجا قوه اعزام ائد‌جک.

ایکی آیدان آز اول یاپونییانین یومیوری قزئتی سنتیابرین ۳-ده (۱۲ شهریور) بو اؤلکه‌نین ایرانین جنوب سولاریندا تیجارت گمیلرینی قوروماق اوچون آمریکا حربی دنیز کوالیسییاسینا قوشولمایاجاغی حاق‌دا معلومات یازمیشدی.

یومیوری قزئتی هابئله یاپونییانین اد‌ن کؤرفزین‌ده و باب المندبده موستقیل بیر ماموریت پلانلاشدیردیغی احتیمالینی ایر‌لی سوروب.
«یومیوری» رسمی توکیونون قرارینی تهرانلا "یاخین اقتصادی مناسیبتلر"له علاقلندیریب.

قئید ائدک کی، بو ایلین مای-ایون (اوردیبئهئشت و خورداد) آیلارین‌دا به و اومان سولارین‌دا آلتی گمییه ایکی هوجوم‌دان سونرا آمریکا دونیا بیرلیینی بو اؤلکه‌نین رهبرلیک ائتدیی حربی کوالی‌سییایا قوشولاراق کؤرفزده گمیلرین سربست حرکتینی تعمین ائتمه‌یه چاغیریب.