آنا صحیفه پلانت |
ایرانین رسمی آگنتلیگی ایرنا داها اول قتل اتهامی ایله محاکیمه ائدیلمیش بیر محبوسون اردبیل مرکزی حبسخاناسیندا اعدام ائدیلدیینی بیلدیریب.
آخار. آذ خبر وئریر کی، آگئنتلیین بیلدیردیینه گؤره، اعدام حکمو محکمه پروسسی و «رهبردن ایجازه آلما» مرحلهسیندن سونرا حیاتا کئچیریلیب.
ایران قانونلارینا گؤره، قیصاص حکملری «دونیا موسلمانلارینین حاضیرکی قیومو» اولاراق تقدیم ائدیلهن ایرانین دینی لیدریندن اجازه آلیندیقدان سونرا تطبیق اولونور. ایران رهبرینین بو صلاحیتی حاضردا ایران محکمه سیستمینین صدرینه حواله ائتدیی بیلدیریلیر.
«ایران حر» قروپونون بیلدیردیینه گؤره، ۲۰۱۹-جو ایلین ایلک آلتی آییندا ایراندا آزی ۱۱۰ اعدام حکمو تطبیق ائدیلیب. ایران رسمیلری سادهجه ۳۷ اعدام حاقیندا معلومات وئریبلر.
حقوق مدافعهچیلری همچینین داها اول شرقی آذربایجان ویلایتینده «گیزلی» شکیلده حیاتا کئچیریلن و بو گونه قدر خبری یاییلمایان بیر اعدام حکمونون تطبیقینه دایر معلومات یاییبلار.
اینسان حاقلاری اوزره فعالیت گؤسترن «حرا» آگئنتلیگی و «ایران حر» قروپونا ایستینادن، کئچهن مای آییندا ماراغا حبسخاناسیندا دار آغاجیندان آسیلان وحید ندامت تجاووز اتهامی ایله محکیمه ائدیلمیشدی.
ندامتین اعدام ائدیلدیی گون تبریز حبسخاناسیندا ایسه اکبر امیر-یعقوبی آدلی بیر محبوسون اعدام ائدیلدیی بیلدیریلیر.
«ایران حر» قروپونون بیلدیردیینه گؤره، ۲۰۱۹-جو ایلین ایلک آلتی آییندا ایراندا آزی ۱۱۰ اعدام حکمو تطبیق ائدیلیب. ایران رسمیلری سادهجه ۳۷ اعدام حاقیندا معلومات وئریبلر. دیگر اعداملار گیزلی شکیلده حیاتا کئچیریلیب.
اینسان حاقلاری قروپلاری گیزلی شکیلده تطبیق ائدیلهن اعدام حاللارینین بیر سیراسینی عمومیتله دیگر محبوسلارین یاخینلاری و یا داها سونرا سربست بوراخیلمیش محبوسلارین واسطهسیله الده ائده بیلیرلر.
تاریخ
2019.11.07 / 19:28
|
مولف
Axar.az
|