آنا صحیفه پلانت |
زلزله باش وئرن ایلک ساعتلاردان پلیس قوهلری بوتون منطقهلره یئرلشدیریلیب.
آخار. آذ خبر وئریر کی، بو سؤزلری شرقی آذربایجان والیسی محمد پورمحمدی ایران مطبوعاتینا آچیقلاماسیندا دئییب. او بیلدیریب کی، زلزلهنین فسادلاری لازیمی قوروملار طرفیندن اورتادان قالدیریلیر:
«ائو و تیکینتی تشکیلاتی موختلیف بؤلگهلرده برپا ایشلرینین باشلانیلماسی و ائوی داغیلمیش ساکینلرین موقتی یاشاییش یئرلری ایله تعمین ائدیلمهسی ایله باغلی تدبیرلر گؤرور. قیزیل آیپارا جمعیتی اهالینین ارزاق وصحییه تعمینی ایله مشغولدور. همچینین، کند تصروفاتی ناظرلیگی تلف اولان حیوانلارین سانیتار قایدالارا اویغون محو ائدیلمهسینی حیاتا کئچیریر. کامونال خیدمتلر تشکیلاتی (سو ایشیق و گاز ادارهلری) دا اؤز عهدهسینه دوشن ایشلری ایجرا ائدیر و بو ایستیقامتده پروبلملری آرادان قالدیرماغا چالیشیر. بو گون آخشاما قدر بوتون کوممونال خیدمتلر (سو ایشیق و گاز ادارهلری) برپا ائدیلهجک. اؤزل و دؤولت قوروملاری لازیمی تکنیکالاری (ماشین آلات) مختلیف قوروملارین ایستیفادهسینه وئریب. حاضردا جدی ناراحاتلیق یوخدور».
قید ائدک کی، بو گون شرقی آذربایجاندا ۶ بال گوجونده زلزله باش وئریب. زلزله نتیجهسینده رسمی ۶ نفرین اؤلدویو، ۳۲۰ نفرین یارالاندیغی بیلدیریلیر. غیری رسمی معلوماتا گؤره ایسه ۱۱ نفر دونیاسینی دییشیب.
زلزله نتیجهسینده چوخلو سایدا ائو داغیلیب، تصروفاتلارا زیان دییب، همچینین مال-قارا تلف اولوب.
زلزله اساساً تورکمنچای بؤلگهسینه، میانا اراضیسینه زیان ووروب. ان بؤیوک داغینتی ورنکش کندیندهدیر.
تاریخ
2019.11.08 / 16:18
|
مولف
Axar.az
|