آمریکا سلاح‌لی قوه‌لرینین بیرگه قرارگاه رئیسی گنرال مارک میلی ایران‌دا اورانین زنگینلشدیریلمه‌سینی برپا ائتدیینی نظره آلاراق، ایسلام رسپوبلیکاسینا خبردارلیق ائدیب. او بیلدیریب کی، مریکا حال-حاضردا حربی آددیما ال آتماماغی قرارا آلیب، لاکین بونا قادیردیر.

آخار. آذ خبر وئریر کی، گنرال مارک میلی نویابرین ۱۰-دا ای بی سی تلکانالینا مصاحیبه‌ده ایسلام رئسپوبلیکاسینین نووه سازیشی چرچیوه‌سین‌ده عهده‌لیکلرینین آزالدیلماسی اوزره دؤردونجو مرحله‌نین آددیملاریندان بیری اولاراق فردو نووه اوبیئکتین‌ده اورانین زنگینلشدیریلمه‌سینی برپا ائتمه‌سینه جواب اولاراق دئییب: «بیز دیپلماتیک سعیلره شوبهه ائتمیریک، لاکین بونونلا بئله، عینی زامان‌دا ضرورت یاراندیقدا آمریکانین ماراقلارینی مدافعه ائتمک مقصدیله بؤلگه‌ده کیفایت قدر حربی ایمکانلاری قوروماق‌دان امین اولاجاییق».

گنرال میلی گرگینلیین آرتماسی مسئله‌سینه توخوناراق دئییب: «بیزیم دؤولتیمیز بو دؤورده حربی آددیما ال آتماماغی قرارا آلیب، لاکین بئله بیر آددیما ال آتماماغا قادیردیر».

او قید ائدیب کی، آمریکا اؤتن آی رگیونا یئنی قوه‌لر اعزام ائدیب. گنرالین سؤزلرینه گؤره، ایشین داوام ائتدیریلمه‌سی ایران طرفین‌دن پرواوکاسییانین میقیاسین‌دان و نؤوعون‌دن، ائلجه‌ده بو اؤلکه‌نین آمریکا عسگرلرینی، اونون و یا متفیقلرینین ماراقلارینی نه درجه‌ده تهدید ائتمه‌سیندن آسیلیدیر.