الاهواز اطلاعات قوه‌لری حسن حیدرینین قارداشی حسین حیدرینی مجبوری اعتراف اوچون ایداره‌یه چاغیریب.

آخار. آذ خبر وئریر کی، اطلاعات قوه‌لری الاهوازین گنج شاعری حسن حیدرینین اؤلومون‌ده زهرله‌نمه و یا دیگر علامتلرین اولمادیغینی ثبوت ائتمک، گنج شاعرین بئیین اینفاکتی کئچیردیینی اثباتلاماق اوچون حیدرینین عائله‌سینه تضییق گؤستریر.

خاطیرلاداق کی، الاهواز شاعری حسن حیدری نویابرین ۱۰-او خسته‌خانادا شوبهه‌لی سبب‌دن وفات ائدیب. حسن حیدرینین عائله‌سی و قوهوملاری بو شوبهه‌لی اؤلوم‌ده اطلاعات اورگانلارینی گناهلان‌دیریرلار.

قید ائدک کی، حسن حیدری میللی، دؤیوش و مباریزه روح‌لو شعیرلر یازدیغی، دینه حاکم خرافاتلاری و ایران‌داکی دین خادیملرینین سیاستینی تنقید ائتدیینه گؤره الاهواز اطلاعات ایداره‌سی طرفین‌دن بیر نئچه دفعه حبس ائدیلمیشدی.