«سپاه»این قورو قوشونلارینین کومان‌دانی محمد پاکپور تقریباً ۱ ایل ۱ آی بوندان قاباق سلاح‌لیلار طرفین‌دن قاچیریلان ایران سرحدچیلرین‌دن ۲-سینی آزاد ائتمکده چتین‌لیک چکدیکلرینی اعتراف ائدیب.

آخار. آذ خبر وئریر کی، بو ایستیقامت‌ده ایشلرین آپاریلدیغینی بیلدیریب. کومان‌دان همچینین پاکیستان‌دان بو ایستیقامت‌ده اؤلکه‌سینه یاردیم ائتمه‌سینی خواهیش ائدیب.

پاکپورون سؤزلرینه گؤره، پاکیستان اوردوسونون یوکسک روتبه‌لی ظابطلرینین «قدس بریقاداسی» کومان‌دانی ایله گؤروشو زامانی دا ایران رسمی اولاراق بو اؤلکه‌دن سؤزوگئدن مسئله ایله علاقه‌لی یاردیم ایسته‌ییب.

خاطیرلاداق کی، اؤتن ایل بلوچ سلاح‌لیلار سیستان و بلوچیستان ایالتینین پاکیستانلا سرحدده یئرلشن میرجاوه سرحد زاستاواسینا هجوم ائدیب، ۱۴ سرحدچی و بسیجی اسیر آلمیشدیلار. اونلار بیر مدتدن سونرا ۱۲ سرحدچینی بوراخسالار دا، ایکی نفری بو گونه قدر آزاد ائتمه‌ییبلر. ایرانین حرب‌چیلرینی آزاد ائتمک ایستیقامتین‌ده گؤردویو بوتون تدبیرلر ایسه نتیجه‌سیز قالیب.