ارمنیستان‌دا فعالیت گؤسترن «غربی ارمنیستان تی وی (Western آرمنیان)» هاوا چیرک‌لی‌لیگی ایله باغلی یاییملادیغی خبرده ایقدیری ائرمنیستان شهری کیمی تقدیم ائدیب.

آخار. آذ خبر وئریر کی، سؤزوگئ‌دن خبر ایغدیر اهالی‌سی، ائل‌جه ده تورکییه جمعیتی طرفین‌دن کسکین تنقید ائدیلیب.

تورکییه آذربایجان دوستلوق درنکلرینین صدر معاوینی، ایغدیر آذربایجان ائوی درنیینین صدری سردار اونسال بونون قبول ائدیلمز اولدوغونو سؤیله‌ییب:

«غربی ارمنیستانین ایقدیر شهری» ایفاده‌لرینین ایشلدیلمه‌سی باشادوشوله‌ن دئییل. ایغدیر اصل تورک شهری‌دیر. ایغدیرین غربی ارمنیستان شهری اولماسی مومکون دئییل. تورکییه دوشمنی اولان ارمنیلر هر فورصت‌ده خیاللارینی اورتایا قویورلار. بو دا گؤستریر کی، ارمنیلرین گؤزو ایللردن بری تورکییه تورپاقلاریندادیر. حاضردا یاشادیقلاری ایروان بئله تورک یوردودور، غربی آذربایجانین بیر پارچاسی‌دیر. ارمنیلر تورکییه‌یه قارشی دوشمن‌چیلیکلری سایه‌سین‌ده ارمنیستان‌دا اولان تورک نفوذو یوخ ائدیب، بیر قیسمینی اؤلکه‌دن چیخاریب. ایندی ده ایمپریالیست یالان اولان گویا سویقیریمی بهانه ائد‌رک، تورکییه‌دن تورپاق، تانینما و تزمینات آلماغا چالیشیرلار. بو چرچیوه‌ده تبلیغاتا یول وئره‌رک، تورکجه تو ده یارادیبلار. مقصدلری تورکییه تورپاقلارینی ارمنیستان تورپاغی کیمی تقدیم ائد‌رک، قاوراییش عملیاتی کئچیرمک‌دیر».

اصیل‌سیز ارمنی ادعالاری ایله مباریزه درنیینین صدری گؤکسل گولبی سؤزوگئدن ارمنی تلویزییاسینا فرانسیزلارین دستک وئردیینی بیلدیریب. او، بو یاییما گؤره تورکییه خاریجی ایشلر ناظیرلیینین ارمنیستانا نوتا وئرمه‌سی گرکدیینی سؤیله‌ییب.