آنا صحیفه پلانت |
باش قرارگاه رسمیلرینین حساباتلاری و قیمتلندیرمهلری اوکراینا طیارهسینین اینسان سهوی اوجباتیندان قزایا اوغرادیغینی ثبوتا یئتیریب.
آخار. آذ خبر وئریر کی، بونو ایران پارلامنتینین میللی تهلوکهسیزلیک و خاریجی سیاست کمیتهسینین صدری مجتبی زوالنور دانیشیب. او، قزایا سبب اولان احتیماللار آراسیندا کیبئرهجومون دا گوندهمه گتیریلدیینی دئسه ده، بو احتیمالین تصدیقینی تاپمادیغینی سؤیلهییب.
زوالنور ایرانین عراقداکی آمریکا حربی بازاسینا هجوموندان سونرا ساییق داوراندیغینی، خالقین گوندهلیک حیاتینا منفی تأثیر ائتمهمهسی اوچون فؤوق العاده وضعیت و یا محاربه آنونسو اعلان ائدیلمدیینی بیلدیریب:
«آمریکانین قارشیلیق وئرمک تهدیدینه قارشی مدافعه سیستملری ۱۰۰ فایز حاضر وضعیته گتیریلمیشدی. راکتلرین آتیلدیغی بارهده معلومات وار ایدی. بو معلومات مدافعه سیستمینه تصدیقلندیکدن سونرا وئریلمهلی ایدی. آنجاق بو باش وئرمهدی».
زو النور اوپراتورون امر وئریلمهدن آتش آچدیغینی دئییب:
«محدود آتش وضعیتینده ایدیک. باشقا سؤزله، مدافعه سیستملرینه هدف معینلشچدیریلممیش، «آتش سربست» تاپشیریغی وئریلممیشدی. حتی ایداره مرکزی ایله اوپراتورون علاقهسی کسیلمیش بئله اولسا، اؤزباشینا وورماغا قرار وئرمهمهلی ایدی. بو، قطعی شکیلده مدافعه سیستمیندهکی اینسان فاکتورونو اورتایا قویور. سهوی اوپئراتوروندور. اؤزو قرار وئریب و تطبیق ائدیب».
خاطیرلاداق کی، یانوارین ۸-ده تهراندان کیئوه اوچوش حیاتا کئچیرمهلی اولان اوکراینا بین الخالق هاوا یوللارینا مخصوص «بوینق-۷۳۷» طیارهسی هاوایا قالخدیقدان بیر نئچه دقیقه سونرا قزایا اوغراییب. قزا نتیجهسینده ۱۷۶ نفر هلاک اولوب. حادثهدن بیر نئچه گون رسمی تهران طیارهنین سهوهن راکتله وورولدوغونو اعتراف ائدیب.
تاریخ
2020.01.20 / 16:28
|
مولف
Axar.az
|