آمریکا و اسرائیل اسلام رسپوبلیکاسینین قورو محاصره پلانینی نظردن کئچیریر.

Axar.az خبر وئریر کی، بو باره‌ده بریتانیانین «تلگراف» قزئتی یازیب.

قزئتین یازدیغینا گؤره، آمریکا و اسرائیل قورو تجارت یوللارینی و ماللارین ایرانا داخیل اولوب-اولماماسینی باغلاماغی نظرده توتان پلان اوزرینده ایشلییرلر.

معلوماتا گؤره، پلانین حیاتا کئچیریلمه‌سی اوچون عراق و پاکستان دا داخل اولماقلا اسلام رسپوبلیکاسینین قونشو دولتلرینین امکداشلیغی طلب اولونور و بو اؤلکه‌لرین حکومتلریندن ایرانلا سرحد-کئچید منطقه‌لرینین باغلانماسی و یا ماللارین کئچیدینه گئنیش محدودیتلر قویولماسی ایسته‌نیله بیلر.

بو پلان ایران لیمانلارینین دنیز بلوکاداسینین داوامیندا تکلیف ائدیلیب. دیگر خبرلر ده گؤستریر کی، دونالد ترامپ و بنیامین نتانیاهو بو یاخینلاردا ایرانین قورو تجارت یوللارینین کسیلمه‌سی واریانتینی مذاکره ائدیبلر؛ آنجاق ایرانین قونشولاری ایله یکون قرار و یا رسمی راضیلاشما هله آچیقلانماییب.

قید اولونوب کی، قونشو اؤلکه‌لرین مشایعتی اولمادان قورو بلوکاداسینین حیاتا کئچیریلمه‌سی جدی سیاسی و پراکتیکی مانعه‌لرله اوزلشه‌جک؛ چونکی ایرانین تجارتینین اهمیت‌لی بیر حصه‌سی عراق، تورکیه، پاکستان و دیگر قونشولارلا قورو سرحدلری واسطه‌سیله حیاتا کئچیریلیر.