گونئی آذربایجانین اورمو گؤلونده سویون حجمی و گؤلون گئنیش‌لیگی اؤتن ایله نیسبتا آرتیب.

آخار. آذ خبر وئریر کی، بونو اورمو گؤلونو جانلاندیرما مرکزینین غربی آذربایجان ایالتی اوزره اوفیس رهبری فرهاد سرخوش دئییب.

غربی آذربایجان تله‌رادیو شیرکتینین خبر آگنتلیینین یایدیغی معلوماتا گؤره، فرهان سرخوش حاضردا اورمو گؤلونده ۴ میلیارد ۱۳۰ میلیون کوبمتر سو اولدوغونو دقته چاتدیریب. اونون سؤزلرینه گؤره، گؤلده سویون حجمی اؤتن ایلین موافیق دؤورو ایله مقاییسه‌ده ۱ میلیارد ۶۳۰ میلیون کوبمتر آرتیم گؤستریر.

فرهاد سرخوش بیلدیریب کی، اورمو گؤلونده سویون حجمی آرتماقلا یاناشی گؤلون گئنیش‌لیگی ده بؤیویه‌رک ۲ مین ۹۹۱ کوادرات کیلومتره چاتیب.

اونون سؤزلرینه گؤره، گؤل‌ده سو سوییه‌سی تاراضلیغی اؤتن ایلین مووافیق دؤورو ایله مقاییسه‌ده ۵۹ سانتیمتر آرتاراق ۱۲۷۱.۵۴ متره چاتیب.