یای مؤوسومونون باشلاماسی ایله اورمیه گؤلونون سو سوییه‌سینین آزالماسی، ائل‌جه ده گؤله چیرک‌لی سولارین آخیدیلماسی جدی ناراهاتلیغا سبب اولوب.

آخار. آز خبر وئریر کی، گؤل‌ده سو سوییه‌سینین آزالماغا باشلاماسی ایله اورمییه گؤلو برپا قرارگاهی مایین ۲۸-دن اعتباراً گؤلون سو سوییه‌سی و حجمی ایله باغلی گون‌ده‌لیک ایستاتیستیکالارین یاییلماسینی دایاندیریب.

مای ۲۸-ده وئریله‌ن ایستاتیستیکایا اساساً، اورمییه گؤلون‌ده سو سوییه‌سی آزالاراق ۱۲۷۱.۸۸ متر اولوب. بو ایسه کئچن ایل موافیق دؤور ایله مقاییسه‌ده ۶ سانتیمئتر آزدیر.

گؤلون سو سوییه‌سینین وضعیتی ایله باغلی آراشدیرما اوزون‌مدت‌لی اورتا سوییه (اؤتن ۴۰ ایل) ایله مقاییسه‌ده ۲.۲۲ متر آزالمانین اولدوغونو گؤستریر.

همچینین اورمیه گؤلون‌ده سویون حجمی ۲۸ مای تاریخین‌ده ۵ میلیارد ۲۰۰ میلیون کوبمتر اولوب. اؤتن ایلین آنالوژی دؤورو ایله مقاییسه‌ده ۲۰۰ میلیون کوبمتر، اوزون‌مدت‌لی حجمله مقاییسه‌ده ایسه ۸.۹ میلیارد کوبمتر آزالیب.

گؤلون اراضی‌سی ایسه حاضردا ۳۲۲۴ کوادرات کیلومتردیر. بو رقم کئچن ایل ایله مقاییسه‌ده ۴۶ کوادرات کیلومتردیر آزالما گؤستریر.

چیرکلنمیش سولارین اورمیه گؤلونه آخماسی گؤلون سویونون کئیفیتینین کسکین درجه‌ده آشاغی دوشمه‌سینه، گؤلده یاشایان آرتمیا کیمی جانلیلارین محو اولماسینا سبب اولور.