گونئی آذربایجانین اردبیل ایالتین‌ده سون بیر سوتکا عرضین‌ده ۳۹ یئنی کوروناویروسا یولوخما حالی آشکارلانیب، ۳ نفر خسته‌لیکدن حیاتینی ایتیریب.

آخار. آذ خبر وئریر کی، بو باره‌ده، اردبیل طب اونیورسیتتی رکتورونون معاوینی محمدرضا رضایی بنا ایولون ۴-ده مئدیایا آچیقلاماسین‌دا معلومات یاییب.

او دئییب کی، ایالت‌ده اؤتن بیر گون عرضین‌ده کوروناویروسا یولوخان ۳۹ نفردن ۲۴-او اردبیل شهرین‌ده، ۵-ی پارساباددا، ۷-سی مشکین‌شهرده، ۳-او ایسه خالخال‌دا قئیده آلینیب: «حاضردا اردبیل ایالتینین موختلیف شهر و بؤلگه‌لرینین خسته‌خانالارین‌دا موالیجه‌لرینی داوام ائتدیره‌ن ۱۷۰ خسته‌دن ۳۰-او رئانیماسییا شعبه‌لرین‌ده ساخلانیلیر، ۱۳-او ساغالاراق ائوه بوراخیلیب، ۳-او ایسه سون بیر سوتکادا حیاتینی ایتیریب.

تأسفلر اولسون کی، وضعیت بئله گئتسه، کوروناویروس دا بیزیمله قالاجاق و خسته‌لیک‌دن اؤل‌نلرین سایی گون‌دن-گونه آرتاجاق. سؤزسوز کی، توی و یاس مراسیملرینین کئچیریلمه‌سی ده اردبیل ایالتین‌ده «کووید-۱۹» اینفئکسییاسینین یاییلماسینا یاردیم ائدیب. بو ایسه یولوئریلمزدیر و قارشی‌سی آلینمالی‌دیر» -دئیه، اردبیل طب اونیورسیتتی رکتورونون معاوینی محمدرضا رضایی بنا علاوه ائدیب.