آلمانییا کانسلری اولاف شولتس ناتو طرفداشلارینین اوکراینایا تانکلارین وئریلمه‌سی مسئله‌سینده تلسکنلییندن ناراضی‌دیر. شولتسون پارتییا عضولری ایسه کانسلرین اؤزونون قرارسیزلیغینا اعتراض ائدیرلر.

Axar.az خبر وئریر کی، بو باره‌ده آلمانییانین «ایشپیگل» نشری یازیب.

نشر بیلدیریب کی، یانوارین ۱۳-ده آلمانییانین حاکم سوسیال دموکرات پارتییاسینین (ایسپد) اجلاسین‌دا شولتس اوکراینا اوچون تانکلارلا باغلی مؤوقعینی قطیعتله مدافعه ائتمه‌یه داوام ائدیب. اونون سؤزلرینه گؤره، تانکلارین تداروکو مسئله‌سی حددن آرتیق قیزیشیب و آرتیق اوکراینایا تانکلار وعد ائد‌ن متفیقلرین حرکتلری گرگینلیک یارادیر.

میلت وکیلی مایکل روت قید ائدیب کی، اوکراینادا حربی وضعیت سرعتله دییشیر، روسییا دینج اهالییه قارشی ترورو گوجلندیریر، اونا گؤره ده تانکلارین تداروکو ایله باغلی داها تئز قرار قبول ائتمک لازیم‌دیر.

"صنایع‌ده کیفایت قدر «لئوپارد ۱» وار. بوندسوردن هئچ نه گؤتورمک لازیم دئییل. بیز بو آددیما حاضیرلاشمالی و بونو رامشتین کنفرانسین‌دا طرفداشلاریمیزلا بیرلیکده اعلان ائتملیگیک. اگر اوکراینانین محاربه‌ده غالیب گلمه‌سینی ایستییریکسه، بونو ائتملیگیک»، - میلت وکیلی آندرئاس شوارتس بیلدیریب.