پریگوژینین اولدوغو طیاره‌نین اوچوشو زمانی سمادا ایکی پارتلاییش سسی ائشیدیلیب.

Axar.az خبر وئریر کی، بو باره‌ده «واقنگر» اؤزل حربی شرکتین تلگرام کانالیندا معلومات یاییلیب.

بیلدیریلیب کی، ساعت ۱۸:۲۰-ده طیاره راداردان ایتیب، ۱۲ دقیقه سونرا ایسه طیاره سمادا پارتلاییب:

«ایکی پارتلاییش اولدو. قاناد و ایستابیلیزاتور کوژنکینو استانسییاسینا، فیوزلاژ و قاناد ایسه کوژنکینو کندینه، کئچمیش فرما یاخینلیغینا دوشدو. وطنداشلار خسارت آلماییب، ائولر ضرر گؤرمییب. ساعت ۱۹:۱۰-دا ۴ میت باره‌ده معلومات گلدی. حادثه یئرینه بولوگووودان تعجیلی یاردیم گلدی».

قید ائدک کی، مسکوادان سانکت پتربورگا اوچدوغو بیلدیریلن شخصی "امبرایر" طیاره‌سینین تور ولایتینده قضایا اوغراماسی نتیجه‌سینده گؤیرته‌ده اولان ۱۰ نفرین هامی‌سینین اؤلدویو وورغولانیر. سرنیشینلر آراسیندا یوگنی پریگوژینین ده آدی وار.