ولادیمیر پوتینین حاکمیتده اولدوغو ۲۳ ایلده اونا ان آغیر شیلله‌نی کئچمیش دوستو پریگوژین ووردو، قیام قالدیردی، ایکی شهری مقاومتسیز اله کئچیردی، اردو دونوب قالدی، اونو ائله گول-چیچکله قارشیلاییب یولا سالدیلار.

Axar.az خبر وئریر کی، بونو پولیتولوق ائلخان شاهین‌اوغلو قید ائدیب.

«روسیا پرزیدنتی گؤرونتو یاراتدی کی، گویا کئچمیش دوستونو باغیشلاییب. پریگوژین مختلف یئرلرده پیدا اولوردو. آنجاق هر دفعه‌سینده دئییردیم و یازیردیم کی، ولادیمیر پوتین اونا قارشی چیخانلاری هئچ زمان باغیشلامیر. پوتین پریگوژینی ده ایللر اؤنجه لوندوندا آغیر ماده‌لرله زهرلدیی دیگر کئچمیش دشمنی لیتویننکونون یانینا گؤندردی»، - پولیتولوق قید ائدیب.

قید ائدک کی، مسکوادان سانکت-پتربورگا اوچدوغو بیلدیریلن شخصی "امبرایر" طیاره‌سینین تور ولایتینده قضایا اوغراماسی نتیجه‌سینده گؤیرته‌ده اولان ۱۰ نفرین هامی‌سینین اؤلدویو وورغولانیر. سرنشینلر آراسیندا یئوگنی پریگوژینین ده آدی وار.