«واگنر» رهبری یئوگنی پریگوژینی چوخدان تانییردیم، چتین تالعیی اولان، لاکن استعدادلی، نه‌اینکی اؤزو اوچون، عینی زماندا جمعیت اوچون واجب نتیجه‌لر الده ائد‌ن بیری ایدی.

Axar.az خبر وئریر کی، بو سؤزلری روسییا پرزیدنتی ولادیمیر پوتین دئییب.

«پریگوژینی چوخ‌دان، ۹۰-جی ایللرین اوللریندن تانییردیم. او، چتین تالعیی و حیاتدا جدی سهولر اولان بیریسی ایدی. اؤزو اوچون، عینی زماندا سون آیلاردا من خواهش ائد‌نده جمعیت اوچون ده لازمی نتیجه‌لر الده ائدیردی. استعدادلی انسان، استعدادلی ایش آدامی ایدی. تکجه اؤلکه‌میزده دئییل، خارجده، خصوصاً آفریکادا ایشلییردی»، - دئیه کرمل رهبری بیلدیریب.

قید ائدک کی، اؤتن گون (۲۳ آوگوست) گؤیرته‌سینده پریگوژینین ده اولدوغو شخصی طیاره مسکوادان سانکت-پتربورگا گئدرکه‌ن تور ولایتینده قضایا دوشوب و ۷ سرنشین و ۳ اکیپاژ عضوونون هامی‌سی اؤلوب.

طیاره‌نین داخلدن پارتلادیلدیغی و یاخود زنیت-راکت کمپلکسی ایله وورولدوغو حاقدا ادعالار وار.